دیداری یەکێتی قوناغێكی نوێیە له‌ به‌رێوه‌بردن و ده‌سه‌ڵاتداری و بەشداری سیاسی

بیروڕا 06:05 PM - 2022-05-30

ئاراس محەمەد ئاغا 
دوای چەندین ساڵی دورو درێژو بەتایبەت دوای نەخۆشكەوتن و كۆچی دوای سەرۆك مام جەلال یەكێتیی نیشتمانیی كوردستان بەڕەوشێكی ئارام و هیوا بەخش تێنەپەڕیوە وەك ئەم چەند رۆژەی رابردوو، لەگەڵ دەستپێكردنی دیداری یەكێتی لە شاری سلێمانی و بەئامادەبونی سەرۆك بافڵ تاڵەبانی و هەڤاڵ قوباد تاڵەبانی سەرپەرشتیاری گشتی دیداری یەكێتی و بەئامادەبونی سەركردەو كادیرو ئەندامانی حزب لە هەموو شار و شارۆچكەكان.
لەهەمووی گرنگترو هیوا بەخشتر بۆ هەموان ئەوەیە كە ئەم دیدارە بەرگێكی نوێیە لەڕێگای پێدانی بەرپرسیارەتی و رۆڵ و ئەركی نوێ بەكادیرو ئەندامانی حزب و دوبارە داڕشتنەوەی  سیاسەت و ستراتیجی بۆحزب لە هەموو پێگەو كەرت و بەشەكان، یەكێكی دیكە لەڕەسەنایەتی نوێ كە لەم دیدارە دیار بوو ئەوەیە كە یەكێتیی نیشتمانیی كوردستان بۆ هەموانی سەلماند هەمیشە رای جیاوازو هەمەجۆرو بیرو بۆچونی نوێگەری و هزری نوێ لا پەسەندە لە رابردو لە ئێستاو لە داهاتوشدا،كەئەمەش وایكردوە یەكێتی هەمیشە كاری حزبایەتی و رێكخراوەی بەجدی و بەردەوامی ئەنجام بدات و هەڵگری ئاڵای نوێگەری و چاكسازییە. 
 دوای ئەوەی گەیشتە قۆناغی جێگیری و هێمنی ناوخۆیی و دەرەكی بەدووبارە  رێكخستنەوەی كار و بارو سیاسەتی و پەیوەندییەكانی چ لە ناخۆی چ لەگەڵ حزبە عیراقیەكان و چ لە دەرەوە لەگەڵ وڵاتانی دراوسێ و ناوچەكە، بەڕای من یەكێتی دوای ئەم دیدارە دەچێتە قۆناغێكی نوێ و زیاتر كراوە لەڕووی پەیوەندیە نێودەوڵەتیەكان و هەروەها قۆناغێكی نوێ لە چۆنیەتی بەڕێوەبردن و دەستەڵاتداری، و بەشداربونی سیاسی لەگەڵ حزبەكانی دیكە، كە ئەمە بە جێگەیاندنی داواكاری كادیرو ئەندامانی حزبەكەمانە داهاتویەكی گەش چاوەڕێی حزبەكەمانە  دوای ئەوەی كەوتە سەر سكەی چاكسازی بنەڕەتی و ریشەیی لەهەموو بوارەكاندا.
هەڵكردنی گلۆپی سەوز بۆ هێنانە پێشەوەی بەرفراوانی گەنجان  بۆ وەگەڕخستنی تواناكانیان، كە ئەمە دیدو روئیای یەكێتییە لەرۆژی دامەزراندیەوە  تا ئەمڕۆ.

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket