دۆخی سلێمانی و پرسی لامەركەزی
بیروڕا 12:23 PM - 2022-05-12
رێبوار محەمەد
بەكورتی وەڵامی چەن پرسیارێك دەدەینەوە :
١- كێشەكە لە سیستمی و دەسەڵاتی لامەركەزیدایە ؟ ، بێگومان نەخێر ئێستاش دەڵێین لامەركەزیەت وەك خۆی، چارەسەری زۆرێك لە كێشەكانە ، بە تاوان و ستەم و نادادیەكانی تر سیستمەكان ناشرین مەكەن .
٢- ئایا بەراست لامەركەزیەت ئەوەیە كە دەیبینین و دەیبیستین ؟ ،
بیگومان نەخێر ، تا ئێستا سەرەتاییترین بنەماكانی لامەكەزی لە هەرێم جیبەجێنەكراوە، سادەترین بەڵگەش دەسەڵاتەكانی ئەنجومەنی پارێزگاكان و پارێزگار و ئیدارە سەربەخۆكانە ، لەم دۆخە لێڵ و پڕ كێشانەدا ئاگاداری بری داهاتی ناوچەكانیش نین ..
٣- ئایا لە سیستمی لامەركەزیدا دەسەڵات لای شخصەكانە یان لای ئەنجومەنەكان؟ ، زۆربەكورتی لامەركەزیەت واتە بە مەرجەع دانانی ئەنجومەنە خۆجێییەكان لە پارێزگا و قەزا و ناحیەكاندا ، واتە هیچ كەسێك وەك شخص دەسەڵاتی رەهای نیە و بەرپرسیارێتی لە ئەستۆ نابێت ،.
٤- دوای ئەوەی لامەركەزی بە فعلی پەیرەو كرا ، ئایا حكومەتی مەركەزی ( هەولێر) ئەنجومەنی وەزیران ، لە دورەوە تەماشاكەر دەبێت و بەرپرس نابێت ؟ ،
ئەمە یەكێكە لەو تەوەرە گرنگانەی كە لامەركەزیدا قسەی لەسەر دەكرێ ، و كۆدەنگی هەیە لەوەی كە بەڵێ ئەركی حكومەتی مەركەزیە چاودێری دۆخی ناوچەكان و ئەنجومەنەكان و بەرپرسی ناوچەكان بێت ، و رێگر بێت لە خراپبەكارهێنانی دەسەڵات و كاری نایاسایی ، كەواتە حكومەتی هەرێم و بە دیاریكراوی سەرۆكی حكومەت ناتوانێت خۆی بێبەری بكات لەو دۆخەی كە دەگوزەرێ ...
٥-ئایا كە لامەركەزی پەیڕەو كرا ، ئیتر دەبێتە هەركەس بۆ خۆی ، داهاتی نەوت و ناوخۆ هەر سنورێك یان پارێزگایەك بۆخۆی دەبێت ؟؟ ،
دەبێت دوو پرس لە یەكتر جیابكەینەوە، پرسی هەرێمی سلێمانی كە من هەر لە بنەڕەتەوە لەگەڵی نەبووم و دژی بووم ، لەگەڵ پرسی لامەركەزی ، ئەوەی كە وەڵامی پرسیارەكە بە بەڵێ دەیگرێتەوە پرسی هەرێمی سلێمانییە ، بەڵام پرسی لامەركەزی پرسێكی زانستی ئیداری و یاساییە كە كۆدەنگی هەیە لەسەر گرنگی و پێویستیەكەی ، لەم سیستەمدا دەبێت داهاتی ناوچەكان بەشێكی بۆ ناوچەكە خۆیەتی، و بەشەكەی تری دەبێت بگەرێتەوە خەزێنەی حكومەتی مەركەزی و بە یاسای بودجە دابەشی سێكتەرە جیاوازەكان و پارێزگاو و ئیدارەكان بكرێت ، بەپێی ئەو پێوەرە زانستیانەی كە لە دانانی یاسای بودجەدا پەیڕەو دەكرێ ، كەواتە ڕەوا نیە بە بیانوی لامەركەزییەوە دۆخەكە خراپتر بكرێت ، ئیتر هەركەس و لایەنێك لێی بەرپرس بێت ، تاوانبارە....
٦- لە رابردوودا بە رێگەی زانستی جیاواز لۆبیمان بۆ پرسی لامەركەزی كردووە ، ئێساش سورین لەسەر ئەو بنەما زانستیانەی كە لێی تێگەیشتوین و هەر لەو روانگەیەوە لۆبیمان كردووە .
7- ئەی پەرلەمان ڕۆڵی چی دەبێت لەم دۆخانەدا ؟ ئایا خاوەن دەسەڵاتی ڕەقابی باڵا نیە ؟ ئایا دەسەڵاتی استجواب و لێپرسینەوەی لە هەركەس و بەرپرسێك نیە ؟ وەڵامی ئەمەیان ڕوونە ...
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19