دەستخۆش وەزیری رۆشنبیری
بیروڕا 02:54 PM - 2022-05-09
بەشداری چالاکی ئەنفالستان و شار و شارکەکانی کردوە هەرلەزاخۆ تاخانەقین ....
بەڕۆحێکی گەرموتەمەنی لاوێتیەوە وەک ئاسکە کێوی دەستی پێکرد ، لەم بەرد بۆ ئەو بەرد بازرەقەی دەبەست ، لەتاریکی شەودا زۆر وریایە خەوە نوچکە دەیبردەوە ، تەنها گوێ ڕادێری چرپەی پێی پێشمەرگەکانە ، تولە ڕێکانی دولبیان و هەورامانی وەک ڕێبەرێکی شارەزا دەبڕی ، پڵنگ ئاساهەڵ دەبەزی بەسەرلوتکەی چیاکاندا تاوێرە بەفرینەکان لەژێر پێیدا قرچەیان دەهات ، بەئەسپایی لەتەنشت دیوارە قوڕینەکانی لەژێر پاسارەکاندا هەنگاوی هەڵ دەهێناو ڕۆحی ئازایەتی ئەدا بەپێشمەرگە ، شارەزا و بوێرە گیان فیدایە بۆ سەرکەوتنی یەکێتی و شەهید ئەحمەد گریانەیی و هاوڕێ کانی ، هەستی برایەتی ونیشتمانی گەردنی گرتوە زۆر سەرقاڵە لەتەک هاوپۆلەکانی ڕۆژانە بەچرپە باسی شۆڕشی نوێی دەکرد ، هێندە بەتام وچێژەوە وێنای دەکرد ئاواتیان دەخواست پێشمەرگەبن یان بیان بینن ، کاریگەری باشی هەبوە لە ئەنجام دانی زۆربەی چالاکیەکانی دەڤەری شارۆچکەی تەوێڵە و بیارە ، نەترسە چاوی شۆڕشگێرانە تاکە گۆچانی دەستیانە ، گەرحەمەی حەمەسەعید و کۆڵەپشتەکەی نەبوایە برسی و بێتواناو بێ هەواڵ دەبون ، لەوکاتە ناسکەدا کەس جێگەی متمانەنیە ، چەندین خەمی لەکۆڵ گرتوە خەمێکی خانەوادەکەی خەمێک بۆ پێشمەرگە دەمێکیش بۆ سەرکەوتن ، لەکۆتایدا دەزگاکانی میری و سیخوڕەکانی شوێن پێی هەڵدەگرن ، لەهەوڵدان لەبۆسەیەکا دەسگیری کەن ، پێی دەزانن دوو جار بلیمەتانە لە چنگیان هەڵ دێت ، ناچار دەکرێت دەست لەخوێندن هەڵگرێ و برادەران وشارو خێزان بەجێ بێڵی بیان کاتە قوربانی نیشتمان ، لەقوتابخانەی کوردایەتی دەست پێدەکات ،کۆڵ نەدات تاسەرکەوتنی نیشتمانێکی ئازاد وگەلێکی بەختیار بەرهەم دێت ، ئەوکاتەی کاک حەمەم بینی کوڕێکی قۆز ڕیشێکی پڕو ڕەش و چاوڕەش هێندە سیمایەکی جوانی هەیە ، هاوسەنگەرانی ئاواتیان بۆ جوانەکەی دەخواست ، ئازاو دلێر گورج گۆڵ و قارەمان شارەزا و خوێندەوار ، شەونخونی ومەرگە ساتەکان برسێتی و غەریبی و تاڵی ژیان ئەزمونێکی باشی پێ بەخشی ، لەوتەمەنەدا دەیان هاوڕێی و هاوسەنگەری دەڕوخان و سەرەو لێژ دەبونەوە بۆشاروناو پێخەفی گەرم زۆر زەحمەت بوو پێشمەرگایەتی ، خۆی نەبێت بەرگەی قوورسای و عەزاب و دەردی سەریەی دەگرت ، وەک پاڵەوانی جەنگ چرکەیەک تفەنگ و کوڵەباڵەکەی دانەناوە ئەوەش مەدالیای زێڕینی نەبەردانە ، لەو ڕۆژەوەی بیرەوەریەکانی تۆمار دەکرد تائێستەش بەردەوامە ، لەبارەگاکانی پەروێنەو هاواروگریانە دەماویەوە دەس بەتاڵ نەبوە ، سەر گەرمی خوێندنەوەی پەرتوکەکانی دایک و ژانی گەلە ، بەفیڕۆ نەدانی کات کاریگەری بوە لەگەیاندنی پەیامێکی درەنگ وەخت ، شەهادەی نوسەر و وەرگێڕێکی باش بەدەست دێنێ .
لەسەرکەوتنێکەوە بۆ سەرکەوتنێکی دی ....ئێستە وەزیری ڕۆشنبیری یە چ باسە لەو دەزگا گرنگەدا کەئاستی جوانی و ڕۆشنبیری و پێشکەوتنی گەل و ووڵاتێک لەجیهاندا پیشان ئەدات ..
بەهۆی شوێنی لەدایک بون زێدی باوباپیرانیەوە هەورامانی ڕەنگین ، کەقوتابخانەی شاعیران وئەدیبان ئەهلی تەسەوف زانایانی ئیسلامی ئەدەب دۆستان بوە ، جەنابیان واخۆی پەروەردە کردوە هەمان ڕێچکەی ئەدەب و هونەری کوردی و زمانەوانی گرتوە ، لەگواستنەوەیان بۆ ماڵە گەورەکەی ئەحمەد موختار جاف ( هەڵەبجە ) زیاتر هەوڵی داوە بچێتە ڕیزی نوسەران و ئەدیبانەوە ، سەرەتا چەند کتێبێکی وەرگێڕاوتە سەر زمانی کوردی ، خاوەنی چوار کتێبی خۆیەتی و لەکتێبخانەی کوردیدا نوسەرێکی باشی سەردەمە ، لەهەموو چەمێک شارەزایی هەیە،تەمەنی لەسیاسەتدا بەڕێ کردوە تاپلەی سەرکردە ، بەرهەمەکانی تێکەڵ بەسیاسەت ناکات ، تەنها بیرەوەریەکانی نەبێت لەتوێی دووربەرگدا بەناوی ( دەنگی خاک ) بڵاوکردوەتەوە ، زۆر بوێرانە بەبێ جیاوازی باس لە ڕوداو چیرۆک دەردی سەریەکان دەکات ، ئەزمونەکانی دۆستایەتی ئەدەب وخەمخۆری زمانی دایک ڕێڕەوی سیاسەتی پێگۆڕی بۆ چونە ناودەسەڵات ، کرایە وەزیری ڕۆشنبیری حەزو هیوایەکی زۆرباشە ماڵێکی گەورەی گەلەکەی ئاوەدان کردوە ، سەرەتا دەستی مشەخۆری وبەهەدەردانی بڕی دەرگای خزمەتی کردەوە بەڕوی هەمواندا ، بەیەک چاوی موحیبەت سەیری نوسەران و هونەرمەندان دەکات ، کوردێکی ڕۆژهەڵات و باکور و ڕۆژئاوای کوردستان هەرێم جیاکاریانیە ، وا دەبینرێ تاکەوەزارەتە حیزبایەتی وخۆپەرستی تێدانیە ، دواحەزو هەناسەی دونیای ڕونی ئەم گۆڕەپانە گەورە و گرنگەی دەسەڵاتە ، بۆخزمەتکردنی ئەدەب و شیعرو هونەرەکانی مۆسیقاو گۆرانی و وەرزش کلتوری ڕەسەنی نەتەوەکەی ، ناساندنی ئاستی وریاری و ڕۆشنبیری تاکی کوردی بەدونیا دەرەوە ، تەنها کاربەدەستە کە خۆی لەلاپەڕەی پەیجەکەیدا سەرجەم چالاکیەکانی دەنوسێتەوە، لەوانەش گرنگتر دەست بەرداری باری کۆمەڵاتی نەبوە ودانەبڕاوە ، هەرلەزاخۆ تا خانەقین بەشداری پرسە و کێشە کۆمەڵایەتیەکان دەکات ، ئاستی خۆشەویستی نیشتمان پەروەریان هۆی دانەبڕان و سەرکەوتنیەتی ، تەنها وەزیر و دەسەڵاتدارە سەردانی چالاکی وپرۆژەکانی ئەنفال و هەرێمی کردوە ، دەرگای بەڕوی هەمواندا کراوەیە پێشوازی لە دەیان نوێنەری ووڵات دەکات ، خولیای ناوچە گەرێتی نیە لەکۆبونەوەو پرسەکاندا ڕاستگۆیان دێتەدەنگ هیوای سەرکە وتنی هەموانە نەک بەتەنها ، لەڕوی بەشداری کردنی لەکارە سیاسیەکان داپێشەنگە ،لەهەڵبژاردنەکانی دەڤەری هەورامان و هەڵەبجەو شارەزور و پێنجوێن دا سەرکەوتن پیشەیەتی و بێ ڕکابەرە ، ئەوەی باسمان کرد بەشێکە لەئەزمونەکانی
پێشمەرگەو نوسەرو وەزیری ڕۆشنبیری حەمەی حەمەسەعید ، هەوڵ و بەردەوامیەکانی بەرزترین شەهادەی خزمەت و سەرکەوتنی بەدەست هێناوە ، زۆر پیرۆزترە لەو دکتۆرایانەی بەتەزویرو بەپارە هەندێک بەدەستی دێنن ...
سەید عەتا
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19