جەژنا كرێكاران و مافێن بەرزەبوویی
بیروڕا 06:16 PM - 2022-04-30
پەرلەمانتار _ ئیمان ئامێدی
ئێكی ئەیارێ، ڕۆژا كرێكارێن جیهانێ، یان ژی ب جەژنا كرێكاران هاتییە نیاسین، كو ساڵانە ل پڕانیا وەڵاتێن جیهانێ كرێكار خڕڤەبوون و خۆپێشاندانان دكەن پێخەمەت بدەستڤەئینانا ماف و داخوازیێن زێدەتر، سەندیكایێن كرێكاران دڤێ ڕۆژێدا زێدەتر فشارێ دئێخنە سەر حكومات و دەستهەڵاتان و پێداگیریێ لسەر جێبەجێكرنا خاڵ و بەندێن جارناما جیهانییا مافێن كرێكاران و دابینكرنا ژیانەكا ئاسودە دكەن.
*ل وەڵاتێ مە، ژبلی گێرانا ئاهەنگ و دابەشكرنا شەربت و شریناهیان، هیچ ڤەلڤینەكا دی یا كرێكاران ناهێتە دیتن و تێبینیكرن، هەر وەكو ئەڤ وەڵاتە یێ مشتی كار و ڕێنجبەری و كۆمپانی و كارخانە و دەلیڤێن كارییە..!
* هەر وەكو داهاتێ كرێكاری لێڤ و لێڤ یێ دسەردا دچیت و گەنج و هێزا كارییا وەڵاتی بۆ خۆشی و گەشتیاری قەستا وەڵاتێن دەرڤە دكەن..!
* ل ڕۆژا جەژنا كرێكاران ل ڤێ وەڵاتی، گوهێن كرێكارا ب بروسكێن پیرۆزباهیا دهێنە سمتن، هەر وەكو مالا كرێكاری یا ئاڤەدانە، زارۆكێن وی دگوپیتكا خۆشگوزەرانیێدا دژین، و تنێ چاڤێ وی یێ ل شاشێن تێلەفزیۆنا دا گوهداریا بروسكێن پیرۆزباهیێ بكەت.
* ل ڤی وەڵاتی د ڕۆژەكا وەكو ئەڤرۆ ژیدا، كرێكار نەوێریت سەرێ خۆ ژ كەڤلوژانكێ دەربێخیت و ب دەنگەكێ بلند بلند بێژیت، ئەز یێ برسیمە..!
* خڕڤەبوون و داخوازكرنا مافا، ئاژاوە و خیانەت و دەستێ دەرەكی و سیخۆرییە، ئەگەر كرێكاری مافێن خۆ بڤێن بلا كەرەم بكەت و مەیدان یا ڤاڵایە..!
* ل ڤی وەڵاتی هەر كرێكارەكێ ما بێ كار، ئێدی خوازوكی ژی بدەست ناكەڤیت، ژخۆ خودێ نەكەت تووشی ڕوودانەكێ یان نەخۆشیەكێ بوو، كەس نینە خۆ لێ بكەتە خودان، یان بەحسێ پاداشتێ كەد و ڕەنج و ماندیبوونا وی بكەت.
* ئەگەر داهات و سامانێ ڤی وەڵاتی بشێوەیەكێ ڕاستەقینە و دادپەروەرانە بۆ بەڕژەوەندیا خەلكی هاتبا مەزاختن، بۆ ئاڤەدانكرنا وەڵاتی هاتبا خەرجكرن، بۆ ڤەژاندنا ئابووری هاتبا تەرخانكرن، نوكە دا مە ب دەهان و سەدان كارگەهـ و كۆمپانی و پڕۆژێن ستراتیژی هەبن، دا ب هزاران كرێكار دناڤدا كاركەن، هەم ژیانا خۆ پێ دابین كەن و هەم ژی ڤی وەڵاتی بەرەڤ پێشڤەبەن.
* یا گرنگە دڤێ هەلكەفتێدا بێژین:ـ
1- هەردوو حكومەتێن بەغدا و هەولێر ئاڤریەكا جددی ل كرێكارا بدەن، دەلیڤێن كاری ب رەخسینن، مافێن كرێكارا ل گورەی جارنامێن نێڤدەولەتی دابین بكەن.
2- پشت بەستی ب هێزا كارییا خۆمالی بهێتەكرن و هاوردەكرنا كرێكارێن بیانی بهێتە سنورداركرن.
3- بیما بێكاریێ بۆ كرێكاران بهێتە مسوگەركرن و ڕێڤەبەریێن كاری ب ئەركێ خۆ ڕابن و دەلیڤێن كاری بۆ بێكاران پەیدا بكەن.
4- وەكو هەموو وەڵاتێن جیهانێ بیما ساخلەمیێ و خانەنشینی بۆ كرێكاران بهێنە دابینكرن.
5- سەندیكا كرێكاران ژ ژێر ركێفا حزب و لایەنێن سیاسی دەركەڤیت و ب شێوەیەكێ پیشەیانە كار و ئەركێن خۆ ئەنجام بدەت و ببیتە پارێزەرا ڕاستەقینەیا مافێن كرێكاران.
ل دووماهیێ ژی ڤێ ڕۆژێ ل كرێكارێن كوردستانێ و عیراقێ پیرۆز دكەین، ب وێ ئومێدێ ئەگەر یا پێدڤی نەهاتەكرن، كرێكار ب زەند و باسكێن خۆ مافێن خۆ وەربگرن.
هەواڵی زیاتر
-
داهاتی هەفتەی رابردووی سلێمانی زیاتر لە چوار ملیار دینارە
01:31 PM - 2024-03-29 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27
زۆرترین خوێنراو
-
داهاتی هەفتەی رابردووی سلێمانی زیاتر لە چوار ملیار دینارە
کوردستان 01:31 PM - 2024-03-29 -
نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
کوردستان 10:23 AM - 2024-03-29 -
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28