لە پرسی وزەدا کورد بەرەنگاری ڕوسیا و ئیران دەکات
بیروڕا 11:48 AM - 2022-04-02
ئارام هادی
هەڵەی ستراتیژییە بێ پرسی لایەنە سیاسیە کوردیەکان و بێ ڕەزامەندی عیراق باس لە ڕەوانەکردنی غازی سروشتی بۆ تورکیا و ئەوروپا بکەی، زیان بە ئابوری ئیران بگەیەنی و هەڕەشە لە بەرژەوەندی ڕوسیا بکەی، هەستیاری پرسی وزە هەر زوو ئیرانی هێنایە سەرخەت و بە 13موشەک وەڵامی حکومەتی هەرێمی کوردستانی دایەوە، لە ئایندەشدا ڕوسیا هەڕەشەی جدیتری بۆ حکومەتی هەرێم دەبێت و قبوڵی ئەوەناکات هەرێمی کوردستان کارتی غازی لێوەرگرێتەوه.
هەر زوو عیراقیش بە دادگا فیدراڵیەکەی دژی بڕیارەکانی فرۆشتنی نەوت و غازی سروشتی وەستایەوە و کاردانەوەی عیراق لێرەشدا ناوەستێت و سەردەکێشێت بۆ زنجیرەیەکیتر لە سزا داراییەکانی بەرامبەر هەولێر، نزیکترین نمونەش درێژەدان بە بێبەشکردنی هەرێم لە بودجەی گشتی عیراق و پێدەچێت ڕاگرتنی دوو سەد ملیاری مانگانەکەشی لێبکەوێتەوە.
بۆ ناوخۆی هەرێمیش پەرتەوازەیی لایەنە سیاسیەکان قوڵتر دەکات، وەکو نەوتەکە خەڵک و دەسەڵات زیاتر لێکدووردەخاتەوە لە بەر ئەوەی جۆری گرێبەست و بە بازاڕکردنەکەی هاوشێوەی گرێبەستە نەوتیەکان نادیار و پارەکەشی تورکیا سودی لێدەبینێت.
گەر لەسەر خواستی ئەوروپا و ئەمریکاش بێت لە پرسی وزەدا سەرکەوتونابین، لە کاتێکدا ڕوسیا و چین و ئیران زیاتر لە ڕابردوو حسابات لەسەر وردترین بابەتی تایبەت بە پرسی وزەدەکەن، عاقیبەتەکەشی بە خێر ناگەڕێت لەگەڵ خۆیدا قەرزاری زیاتر بۆ حکومەت و سک هەڵگوشینێکی قورس چاوەڕێی هاوڵاتیان دەکات، ڕەنگە هۆکارێکی باشیش بداتە دەست نەیارەکان و هەڵوەشاندنەوەی قەوارەی هەرێمی کوردستانی بەدوادابێت.
کەواتە پارتی دیموکراتی کوردستان نابێت هاوشێوەی هەڵەستراتیژییەکانی وەکو (فرۆشتنی نەوت بە سەربەخۆ و ئەنجامدانی ڕیفراندۆم) تاک ڕەوانە بڕیار لە فرۆشتنی غاز بدات، نەبێتە هۆکار بۆ دروستبونی شەڕ و ئاڵۆزی لە هەرێمدا، هەرکاتێکیش دۆخەکه ئاسایی بوو بە ڕاوێژ و ڕێککەوتن لەگەڵ یەکێتی نیشتمانی کوردستان و لایەنەکانیتر بڕیارەکە بدەن، پێشوەختەش ئامادەیی هاوڵاتیانی بۆ لێکەوتە خراپەکانی گیرابێتە بەر.
تێبینی/ تەنها بۆ پەرەگرافی یەکەمی وتارەکە سود لە ڕاپۆرتێکی ڕۆژنامەی (نێزاڤیسیمایا گازیتا)ی ڕووسی دەربارەی فرۆشتنی غازی سروشتی هەرێمی کوردستان وەرگیراوە.
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
زۆرترین خوێنراو
-
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23