رۆژی گەشی شەشی ئەیلول

بیروڕا 09:23 PM - 2021-09-06

ستران عەبدوڵڵا 
یادی راپەڕینی بەردەرکی سەرای سلێمانی

سلێمانی دەورانی زۆری دیووە، سەبری زۆری کردووە. وەک ناز و مەکری شار  تیلەی چاوی لە زۆر کەس داگرتووەو زۆر کەس بەم تیلەی چاوە ھەڵخەڵەتاوە و تێکەوتووە ، تا شار لێی ڕاپسکاوە.

ئەم شارە جوان و نازدارە ، دڵئاواڵە و میھرەبانیشە لەگەڵ ئەوانەی بە مەرجەکانی ئەو دەبنە ھاوشاری و سۆزی لەگەڵ دەگۆڕنەوە. پێت دەڵێت بەرێز وەك حورمەتێك لە دڵەوە،  نەك لە ترسا، توانج و جوێنی مزری حازرە بۆ ئەوەی حاڵی نابێ ، جا کە بێتامتکرد سێودووی لێ ناکا و مەعلومی خاسوعامە چی ئەکات ؟ 

حەلی نییە ئەم شارە،  یان رێبواری رۆح سووك بە و زۆر مەمێنەوە. یان بە دابودەستوری  شارە حەیاتەکە رازی بە و  «سلێمانییاوی» بە . رێك وەك  وەسفی مامۆستا برایم ئەحمەد کە وتی« مام جەلال سلێمانیی نییە، بەڵام سلێمانیاوی بووە»

زۆرترین خوێنراو