موڵكدارێتی یەكێتی

یەكێتی بەتەنیا موڵكی هیچ كەس و بەرپرسێك نییە، موڵكی هەموو ئەوانەیە كەیەكێتین و لەڕێگەی یەكێتییەوە خزمەتی خەڵك دەكەن، ئینجا زیالەوەش ئەتوانین بڵێین:

لەبنچینەدا یەكێتی بەتەنیا موڵكی یەكێتییەكانیش نییە، یەكێتی موڵكی ئەوانەشە كەیەكێتی نین، چونكە خزمەتكردن خەڵك لەڕێگەی یەكێتییەوە بۆ هەموو خەڵكە.

هەموو تاكێكی ئەم میللەتە ناڕاستەوخۆ خاوەنی یەكێتییە و هەموو یەكێتییەكیش راستەوخۆ خاوەنی یەكێتییە
سەرخستنی  لیستی یەكێتی و هاوپەیمانەكەی(گۆڕان) ئەركی هەموو كەسێكە
نەك ناكۆكی ناوخۆیی، بەڵكو هیچ پاساوێك لەدنیادا نییە بكرێتە بیانوو بۆ رێگری كردن لە سەرخستنی یەكێتی.
یەكێتی سەرەتاكانی و سروشتەكەی و قەدەرەكەی هەروابووە، بەردەوام كێبڕكێی ناوخۆی تائاستی تەنگژەو پێكدادانی لەخۆ گرتووە، ئیتر پیلانی پێلانگڕانی ناوخۆیی و هەرێمایەتی بابوەستی، بەڵام هەموو ناكۆكییەكان و گشت پیلانەكان نەیانتوانی بەسەر ئیرادە و باوەڕی یەكێتی و دڵسۆزیی لایەنگرەكانیدا زاڵ ببێ!
مێژووی پڕتێكۆشانی ئەم هێزە، لەئێستادا كردویەتی بەپێویستییەكی حەتمی بۆخەڵكی كوردستان، ئەگەر ئەم پێویستیە حەتمییە بەلای خەڵكەوە لەبەرچاو نەگیرایە ڕەنگە لەقۆناغێك لەقۆناغەكاندا كێشەكانی هێندە گەورە بوبن  بەسەركردە و كادرەكانی حەل نەكرایە، ئەوە پێویستی خەڵكە بەیەكێتی كە هەرگیز كێشەكانی یەكێتی نەگەشتبێتە ئەو ئاستەی پێی ئەڵێن مریشكەڕەشە!
ئەم هێزە بەخەباتە كەم وێنكەی، بەبیروباوەڕ و فیكری چەسپاوی، بەپراكتیزەكردنی دیموكراسییەت، خۆی لەدڵی هەمواندا هێشتۆتەوە، ئاخر ئەوە زانستییە هێزێك دیموكراسی دروشمی بێت ئیتر كام هێزو ناڕەزایەتی و پیلانگێڕی هەیە پاشەكشەی پێ بكات؟
بەڕەچاوكرتن و لەبەرچاوگرتنی قۆناغەكان، كێشەی ئەمڕۆی یەكێتی گەورەترنین لەكێشەكانی ڕابردووی، كەواتە كامەیە ئەو كێشانەی لەڕابردوودا یەكێتی پەكخستبێ؟
لەناوخۆی یەكێتی و لەناو كادرەكانیداو لەناو لایەنگرو لەناو خەڵكەكەشدا هێندە سەركردەو كادرو خەڵكی دڵسۆزو چاوكراوە هەن كە:
هیچ هێزێك نەتوانێ یەكێتی ئاڕاستە بكات
هیچ كەسێك دوودڵ نەبێ لەیەكێتی و ئایندەكەی
هیچ كەس و سەكردەیەكی ناوخۆی و دەرەكی، لەسەرووی بەرژەوەندییەكانی خەڵك و یەكێتییەوە بێت
كەواتە:
یەكێتی هەم بێباكە و هەمیش كەسی لێ زیادنییە
تاكە ڕێگەی هەموان تەنیا پاراستنی  یەكێتی وبەرژەوەندییەكانی خەڵكی كوردستانە
نووسینی.. هاوكار محەمەد
PUKmedia تایبەت