ئهگهر باش بوونایه به كهڵكی حزبی خۆیان دههاتن
بیروڕا 10:44 AM - 2021-07-28
ههر بهوهدا دهزانین كه ئهم رێگا تازهیهی یهكێتی گرتوویهتییه بهر له راستكردنهوهی رێڕهوی خۆی؛ رێگای راستی تێكۆشانه، ئهوهیه كه رهخنهگرهكانی ههر ئهوانهن، كه بهناونیشانی نهیاری یهكێتی و دوژمنی ههموو ههنگاوهكانی یهكێتی ناسراون و ناویان دهركردووه.
له ماوهی دوو ههفتهی ههنگاوهكانی یهكێتی بۆ چاكسازی و راستكردنهوهی رهوتی كاری دامهزراوهكانی، له ناوچهی سهوز، زۆرترین ئهو سهكۆ و ئهو كارهكتهرانهی دژی یهكێتی وهستاونهتهوه، ههر ئهوانهن كه دوو دهیهیه پهلاماری یهكێتی دهدهن و بوختانی بۆ دهكهن. یان كهسانێكن له حزبی تر و ناسنامهی سیاسی و ئایدیۆلۆژی تریان ههڵگرتووه، یان سهكۆی میدیایی دیار و ئاشكرای نهیاری یهكێتی و رهوته سیاسی و فیكرییهكهین.
ئێمه به دیوی رهخنه و سهرزهنشت و پلاری ئهو نهیارانهدا دهزانین، كه یهكێتی رێی راستی گرتۆته بهر، بۆیه نهیارهكانی سهغڵهت بوون و به راست و چهپدا تۆمهت دهبهخشنهوه و درۆ و دهلهسه بۆ یهكێتی و بهناوی یهكێتی-یهوه بڵاودهكهنهوه.
كابرا له حزبێكی تر، یان كارهكتهرێكی شكستخواردووی حزب و رهوتێكی تره. ئێستا بۆ رهواج پهیداكردن و بۆ بازاڕی میدیایی و رهونهقدان به خۆی؛ یهكێتی دهكاته ئامانج و لایهنگریی لایهك دژی لایهكی تر دهكات. قسه به یهكێتی، به رێباز و سیاسهتهكهی دهڵێت و بهناوی دڵسۆزی و خهمخۆرییهوه، ههرچی جنێو و بوختان ههیه دهیبهخشێنێتهوه. سهیره پێش ئهوهی یهكێتی نوتقێك بدات، له ههموو وێستگهیهكدا كۆمهڵێك دوژمن و نهیاری یهكێتی دێنه سهر هێڵی گهرمی پهلاماردان و بوختان كردن.
ئهمانه به چ ههقێك شرۆڤه دهكهن و فاڵدهگرنهوه، كه ئهسڵهن نه ئهندامی یهكێتی-ن و نه یهكێتی-ش رێی كهوتۆته لای ئهوان بۆ حاجهت و پێویستییهك.
ئهم سهكۆ و كارهكتهره دژه یهكێتی-یانه له مهلیك مهلیكترن، خۆیان لێ گۆڕاوه، فاڵ بۆ ئایندهی یهكێتی دهگرنهوه، لهكاتێكدا له ههموو تهمهنی سیاسیاندا ههمیشه شكست و كهوتن و دۆڕانیان بهنسیب بووه، ههیه رهوتی گۆڕانكاری بهجێهێشتووه، رهوتی دین و دینداری حزبی خۆی جێهێشتووه، حزبی سوننهتی خۆی پایدۆستكردووه، ههشه مهیدانی راستهقینهی خهباتی خۆی چۆڵكردووه و هاتۆته كێڵگهی خهڵكی تر و له پاوانی تر دهخوات.
ئاخر ئهی ههش بهسهرینه، ئهگهر راوێژ و تهگبیرهكانتان راست و دروست بوایه، حزبهكانی خۆتان كهڵكێكی لێ وهردهگرتن، ئهگهر قسهتان دروست و زانیاریتان راست بوایه، فریای خۆتان و ئاڕاستهكانتان دهكهوتن و ئێستا ههردوولا له پایهیهكی بهرزتر دهبوون.
ئهی ئهوانهی لهناو یهكێتی-یهوه پشتیان به پشتیوانیی ئێوه بهستووه، به چ روویهكهوه دڵخۆشن بهم پشتیوانی و تهگبیره ههرزانه؟.
حهیف نییه خهڵكی نهیاری یهكێتی له دژی یهكێتی-یهكهی خۆتان گاڵدهدهن؟
PUKmedia بهشی بهدواداچوون و چاودێری
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19