127 milyar dînar û 24 milyon dolar.. Tevahiya pereyên ku di doza El-Cumeylî de hatine desteserkirin

PUKMEDIA

Dolar

Dadgerê lêkolînê yê Dadgeha Sûcan a Navendî ya Têkoşîna Dijî Gendeliyê, ragihand ku di doza girtiyê tawanbar, Alîkarê Wezîrê Neftê yê ji bo Karûbarên Parzûnkirinê Adnan El-Cumeylî û aliyên din ên têkelî dozê de, 25 milyar dînarên nû yên Îraqî, 1 milyon dolar û nêzîkî 5 kîlogram zêr hatine desteserkiirin.

Daxuyaniya Ragihandina Dadweriyê li ser zarê dadgerê peywendîdar ragihand ku di encama şopandina hûr a ji bo desteserkirina qezencên darayî yên ji ber ziyana di projeyên ku ji aliyê tawanbar û aliyên dozê ve hatine pêkanîn de, ev pereyên ku di şûşeyên plastîk ên avê de hatibûn bicihkirin û li hundirê mala tawanbar a li bajarê Tikrîtê hatibûn veşartin, hatin desteserkiirin.

Her wiha da zanîn ku " Bi giştî pereyên desteserkirî gihîştiye 127 milyar dînar û 24 milyon dolaran, ligel desteserkirina xanî, otombîl û zêrên ku hatine girtin. Wî tekez kir ku lêkolîn û şopandina kesên din ên têkelî dozê berdewam e heta ku hemû rênmayên qanûnî bi dawî dibin.

PUKMEDIA