Şer û pevçûn di navbera Hêzên Kurd û Hikûmeta veguhêz a Sûriyê de derket

PUKMEDIA

Heleb

Ji ber şer û pevçûnên di navbera Hêzên Kurdî û hêzên Hikûmeta Veguhêz a Sûriyê de li taxên Şêx Meqsûd û Eşrefiyê, zêdetir ji 5 kesan birîndar bûn di nav de zarok jî hene.

Îro 22/12/2025 li Heleb şer û pevçûn di navbera Hêzên Ewlekariya Hundirîn û hêzên hikûmeta veguhêz a Sûriyê de şer derket, Hêzên bi ser hikûmetê ve bi top û hawinan êrîşê herdu taxên Şêx Meqsûd û Eşrefiyê kirin, ji ber wê yekê xelk neçar man ku dest ji malên xwe berdin û biçin ciheke aramtir.

Di destpêkê de grûpan êrîşî xala kontrolê a li bazneya Şîhanê kirin ku aramî û ewlehiya bajêr dixe metirsiyê, li hemberê hêzên Kurdî bersiv dan, û amaje bi wê yekê jî kirin ku Hikûmeta heyî nikare hemû grûpên çekdar bixe jêr kontrolê, û berpirsyariya vê êrîşê xistin ser milê hikûmetê.

Hêzên Ewlekariya Hindirîn hişyariyek da welatiyan ku ji malên xwe dernekevin û ji pencereyên dûrkevin, her wiha ji wênekişan û vîdyoyan dûrkefin, û baweriya xwe bi gotegotên ser tora civakî nekin û netirsin.
Hikûmeta veguhêz dron rakirin ser her du taxan, ev jî binpêkirina peymana 1ˊê Nîsanê ya di navbera Meclisa Giştî ya Taxên Şêxmeqsûd -Eşrefiyê û nûnerên hikumeta veguhêz de hatiye îmzekirin e.

Parêzgarê Heleb Ezam Xerîb di wê derbarê de dibêje niha em di hewldanan de ne ku li gel Hêzên Sûryeya Demokrat bikevin goftûgoyê ji vegerandina aramî û aştiyê û vejiandina Sûriyê.


PUKMEDIA