Hejmara qurbaniyên bahoza Srî Lanka gihîştiye 618 kesan

Ajans

Hejmara qurbaniyên bahoza Srî Lanka zêdetir dibe

Hejmara qurbaniyên ji ber lehî û bahozê li Srî Lanka gihîştiye 618 kesan,di demekê de ku rayedar hişyariyên nû didin ku ji ber barana dijwar metirsiyên zêde dikin.

Li gorî daneyên hikûmetê yên ku îro roja Yekşemê hatine weşandin, Bahoza Detoah, ku hefteya borî li welêt belav bû, ku bû sedema wêraniyeke berfireh, ku ji destpêka sedsalê vir ve ya herî xirab e.

Rayedaran aşkere kirin ku herêma navendî ya çandiniya Çayê bi 464 mirinan, hejmara herî zêde ya mirinan tomar kiriye, di heman demê de 209 kes jî heya niha winda ne.

Texmînên fermî nîşan dane ku zêdetirî du mîlyon kes, ku nûnerayetiya nêzîkî %10 yê şêniyan dikin, ji karesata esmanî bi bandor bûne.

Ji aliyê xwe ve,Navenda Rêvebiriya Karesatan ragihand ku baranên demsalê yên heyî qelsiya şemitokên çiyayan li herêmên çiyayî û hundir yên li bakur-rojava zêde dibin, ku ew yek egera erdhejên nû zêde dikin.

Ji ber negihîştina hin deveran, balafir û Helîkopter ji bo şandina alîkariyê ji bo deverên dûr yên li navenda welêt hatine bikar anîn.

Navendê destnîşan kir ku hejmara kesên bê cih û war li kampên hikûmetê ji 250 hezar kesan daketiye nêzîkî 100 hezar kesan, ji ber ku ava lehiyê kêm bûye.

Roja Îna borî, hikûmetê pakêtek qerebûkirinê ya berfireh pesend kir ji bo ji nû ve avakirina mal û avahiyên ku ji ber bahozê ziyan dîtine.

Rayedar pêşbînî dikin ku lêçûna ji nû ve avakirinê bigihîje nêzêkî 7 milyar Dolaran, di demekê de ku welat ji qeyarana xwe ya aborî ya giran ya 2022an rizgar dibe.

PUKMEDIA