Xanima Yekem ya pêşwazî li cîgirên şaredarên Bakurê Kurdistanê kir

Nivîsgeha Ragihandina Xanima Yekem ya Îraqê

Xanima Yekem ya Îraqê Şanaz Îbrahîm Ehmed pêşwazî li şandeyek ji cîgirên şaredarên bakurê Kurdistanê kir.

Xanima Yekem ya Îraqê Şanaz Îbrahîm Ehmed di civînekê de li Muzexaneya Zamwa ya li Silêmaniyê pêşwazî li şandeyek ji cîgirên şaredarên bakurê Kurdistanê kir.

Piştî silavkirina rayedarên mêvan, gotûbêj  li ser pêvajoya aştiyê û hewldanên çareserkirina pirsgirêka Kurd hatin kirin.

Xanima Yekem ya Îraqê Şanaz Îbrahîm Ehmed hêviya xwe anî ziman ku aştiya heyî di serdema pêş de berdewam bike û xurt bibe.

Şande li çend beşên Muzexaneya Zamwa geriya, li wir wan mîrata berfireh a wêjeyî û siyasî ya Îbrahîm Ehmedê rehmetî dîtin.

Di nav şandeya mêvan de Ayten Kaya, Cîgira Şaredarê Pirsûsê; Sevim Besişî, Cîgira Şaredarê Silvanê; Safiye Akdağ, Cîgira Şaredarê Amedê; û Gülbin Şahin, Cîgira Şaredarê Nisêbînê hebûn.

PUKMEDIA