Gotara Serok Bafil: Piştgiriya pêvajoya aştiyê erkê neteweyî ye

PUKMEDIA

Dara Xeylanî di konferansa Îstenbolê de gotara Serok Bafil pêşkêş dike

Konferansa Navneteweyî ya Aştî û Civaka Demokratîk îro, Şemî 6ê Kanûna Pêşîn a 2025an, li Navenda Çand û Kongreyê ya Cem Karaca ya li Îstenbolê bi beşdariyeke berfireh ji serkirdeyên siyasî, akademîsyen û çalakvanên civaka sivîl dest pê kir.

Konferansa du rojî, ku ji aliyê Partiya Wekhevî û Demokrasiya Gelan (DEM) ve tê sazkirin, dê li ser pêvajoya aştiyê û destpêşxeriya civaka demokratîk ya ku Ebdulah Ocalan di 27ê Sibata 2020an de dest pê kiriye, digel ezmûnên navneteweyî gotûbêj bike.

Dr. Dara Xeylanî, ku nûnertiya Bafil Celal Talebanî, Serokê Yekîtiya Niştimanî ya Kurdistanê (YNK) dike, di axaftina xwe de tekez kir ku YNK ji bo misogerkirina serkeftina pêvajoya aştiyê û çareserkirina pirsgirêka Kurd li Turkiyê kar dike, nêzîkatiya xwe li ser bingeha siyaseta "qefta gulan ya Serok Mam Celal ava dike.

Di axaftina xwe de, Dr. Dara Xeylanî got: Yekîtiya Nîştimaniya Kurdistanê  ji bo serkeftina pêvajoya aştiyê û çareserkirina pirsgirêka Kurd li Turkiyê kar dike û got: Divê dewleta Nîştimaniya Turkiye rêzê li mafên gelê Kurd bigire.

Her weha aşkere kir ku Yekîtiya Nîştimaniya Kurdistanê  hêviya serkeftina konferansê dike û destnîşan kir ku Kurd li Rojhilata Navîn gelek karesat kişandine, û ew kesên ku wateyên aştî û azadiyê çêtirîn dizanin in.

Nûnerê Yekîtiya Niştimaniya Kurdistanê (YNK) diyar kir ku "YNKê her tim qefta gulan ya Serok Mam Celal wekî bingehek ji bo nêzîkatiya xwe dibe, û tekez kir ku "YNKê her tim ji bo çareserkirina pirsgirêkan tekezî li ser çareseriya aştiyane û diyalogê dike.

Hejmarek ji kesayetiyên navdar beşdarî gotûbêj dikin, di nav wan de senatorê berê û Serokê Komîteya Destûra Bingehîn ya Parlamenê, Mohamed Bihaba,û endamê Parlamenê û serokê partiya neteweperest Sinn Féin Declan Kearney, û serokwezîrê berê yê Katalonya Pere Aragonés García,û parlamenterê Bask û koordînatorê peywendiyên navneteweyî yê 9EH Bildu) Igor Zolaika û siyasetmedar Ezimi Ishik dê tevlî bibinxwediya Xelata Nobelê Jody Williams jî dê bi rêya Zoomê beşdar bibe.

PUKMEDIA