Qubad Talebanî: Divê kar ji bo xurtkirina peywendiyên navbera Amerîka û Herêmê bê kirin

Civîna Qubad Talebanî digel Cîgirê Wezîrê Derve yê Amerîka

Ragihandina Qubad Talebanî

Cîgirê Serokwezîr Qubad Talebanî pêşwazî li Cîgirê Wezîrê Derve yê Amerîka Michael Rigas kir û di civînê de li ser peywendiyên di navbera Herêma Kurdistanê û Amerîka de û çend mijarên girîng yên ku ji bo herdu aliyan girîng in, hat gotûbêj kirin.

Di destpêka civînê de, ku roja Çarşemê rêkefta 3ê Kanûna Pêşîn ya 2025an hate lidarxistin, Cîgirê Serokwezîr vekirina mezintirîn konsulxaneya Amerîka li Herêma Kurdistanê pîroz kir û ew wekî bûyerek e girîng bi nav kir ku nîşan dide ku peywendiyên di navbera Amerîka û herêmê de xurt û girîng in.

Herdu alî li hev kirin ku ji bo xurtkirina peywendiyên Amerîka û Herêma Kurdistanê zêdetir tiştan bikin û du vê çarçoveyê de, Qubad TalEbanî got: Deriyê hemû bajar û Herêmên Kurdistanê ji bo Amerîka vekirî ye daku peywendiyên di hemû waran de, bi taybetî di warên ewlehî, aborî, bazirganî û çandî de xurt bike.

Derbarê êrîşa li ser zeviya gazê ya Kormor de, her du alî li hev kirin ku ev êrîşa terorîstî jêrxana aborî û wuze ya Herêma Kurdistanê armanc digire û divê êrîşên bi vî rengî werin rawestandin.

Di tewrek di ya civînê de behsa pêkanîna kabîneya nû ya hikûmeta herêmê hat kirin, Qubad Talebanî tekez kir ku em amade ne hikûmetek li ser bingeha hevsengî û hevbeşiya rastîn ava bikin daku bi bê cudahî xizmeta hemû welatiyan û herêmên Herêma Kurdistanê bike.

Derbarê Hêzên Pêşmerge û çaksaziyên Wezareta Pêşmerge de, tekez li ser wê yekê hat kirin ku gavên çaksaziyê dê li gorî plana xwe berdewam bikin, Cîgirê Serokwezîr ragihand ku çaksaziyên Wezareta Pêşmerge qonaxek baş derbas kirine û ji bo alîkariya Amerîka ya di vî warî de ji bo Herêma Kurdistanê spasiya xwe anî ziman û tekezî li ser berdewamiya pêvajoyê kir heta ku Herêma Kurdistanê xwedî hêzek profesyonel a perwerdekirî û nîştimanî û dûr ji destwerdan û girêdana partîyan be.

PUKMEDIA