Mark Savaya: Divê çek ji siyasetê li Îraqê bê cuda kirin

INA

Mark Savaya, Nûnerê Taybet yê Amerîka li Îraqê.

Nûnerê Taybet yê Amerîka li Îraqê got ku xurtkirina rola Îraqê li herêmê bi çareserkirina pirsgirêka bidawîanîna çekên li derveyî kontrola dewletê û veqetandina çekan ji siyasetê ve girêdayî ye.

Îro Nûnerê Taybet ê Amerîka yê li Îraqê Mark Savaya bal kişand ser mijara çekên neyasayî li Îraqê û tekez kir ku yekane riya avakirina Îraqek e bihêz ewe ku çek ji siyasetê werin derxistin.

Navbirî got: Cîhan Îraqê wek welatekî dibîne ku xwedî şiyana lîstina roleke mezintir û bibandortir li herêmê ye.

Nûnerê taybet yê Amerîka destnîşan kir ku di hawîrdorekê de ku siyaset bi desthilatdariya ne fermî re têkel dibe, tu aboriyek nikare mezin bibe û tu hevkariyek navneteweyî nikare bi ser bikeve.

Her weha got:Niha li Îraqê derfeteke dîrokî heye ku vê rûpelê bigire û wêneya xwe wekî dewletek ku li ser bingeha serweriya yasayê ye, ne li ser hêza çekan, xurt bike.

Mark Savaya her wiha girîng dît ku prensîba cudakirina desthilatan were parastin, rêz li çarçoveya destûrî were girtin û pêşî li her destwerdanek were girtin ku biryarên siyasî xera dike yan jî serxwebûna dewletê lewaz dike.

Nûnerê Amerîkî li Îraqê got ku Îraq bi dilemeyek hesas re rû bi rû ye, ew dikare ber bi saziyên serbixwe ve biçe, ku dikarin yasayê bicîh bînin û veberhênanê bikişînin, yan jî ew dikare vegere nav bazineyên aloziyan ku barekî giran li ser her kesî daniye.

Mark Savaya tekez kir ku îro divê em piştgiriyê bidin rêya welêt, rêz li destûrê bigirin, cudakirina desthilatan xurt bikin û pabendbûnek hişk ji bo dûrxistina çekan ji siyasetê bikin, ev yekane riya avakirina Iraqek bihêz e ku dê rêzgirtina cîhanê qezenc bike.

PUKMEDIA