Qubad Talebanî: Divê Kurd beşek ji Îraqeke bihêz bin

Ragihandina Cîgirê Serokwezîr

Qubad Talebanî û Joshua Harris, Berpirsê Balyozxaneya Amerîka

Cîgirê Serokwezîr Qubad Talebanî pêşwazî li Joshua Harris, Berpirsê Balyozxaneya Amerîka li Îraqê kir û li ser rewşa siyasî ya Îraqê û çend mijarên girîng yên hevbeş axivîn.

Di tewerek civîna ku îro 25ê Mijdara 2025an de bi amadebûna Gwyndolen Green, Konsulê Giştî yê Amerîka li Herêma Kurdistanê pêk hat de,behsa pêvajoya siyasî ya Îraqê piştî Hilbijartina Civata Nûneran ya Îraqê hate kirin, di vî warî de, Qubad Talebanî got ku pêwîst e Iraq hikûmetek bihêz û bikêrhatî ava bike ku bikaribe serwerî û serxwebûna Îraqê biparêze û di heman demê de bi hevkarî û hevahengiyê bi Herêma Kurdistanê re pirsgirêkên di navbera herêmê û Bexdayê de li gorî destûrê çareser bike.

Di vê çarçoveyê de, Cîgirê Serokwezîr rave kir ku Îraqek e bihêz ji bo herêmê ne gef e, lê berevajî vê yekê, divê Kurd beşek ji Îraqek e bihêz bin daku pêgeha herêmê jî xurt bibe.

Di beşeke din ya civînê de, pêvajoya pêşketina Îraq û Herêma Kurdistanê hate gotûbêj kirin, di vî warî de, Qubad Talebanî got ku erkê hikûmeta Îraqê ya bê ewe ku ji bo pêvajoya pêşkeftinê hawîrdorek guncaw peyda bike û veberhênerên biyanî, bi taybetî veberhênerên Amerîkî, hêsan bike ku di warên cûr BI cûr de li Îraq û Herêma Kurdistanê veberhênanê bikin û alîkariya pêşkeftina aborî ya Îraq û Kurdistanê bikin.

PUKMEDIA