Mekteba Siyasî: Jinên wêrek sembolên serbilindiyê ne

PUKMEDIA

Logoya YNKê

Mekteba Siyasî ya YNKê di roja cîhanî  ya Têkoşîna li dijî Tundûtjiya Li ser Jinan de peyamek ji bo jinan belav kir û ragihand ku gelek jinên wêrek bûne sembolên serbilindiyê û derfet dîtine ku şiyanên xwe di warên jiyanê de çêtir bikar bînin.

Naveroka Peyamê:

Di di roja cîhanî  ya Têkoşîna li dijî Tundûtjiya Li ser Jinan de
Di dîroka gelê me de, keç û jinên Kurd her tim ji ber rola ku di qonaxên jiyan û têkoşîna civakî û siyasî de lîstine, xwedî pêgehek e bilind bûne.

Bi cûrekê ku rûpelên dîroka me û nêrînên rojhilatnas û kurdnasan di vî warî de şahidên mezin in,gelek jinên wêrek bûne sembolên serbilindiyê û derfet dîtine ku şiyanên xwe di warên jiyanê de çêtir bikar bînin.

Îro, bi vê boneyê, ji bo ku her binpêkirina mafên wan bi tevahî ji holê rakin û her gefek li ser jiyana jinên Kurdistanê ji holê rakin, emê hemû hewldanên xwe ji bo parastin û piştgiriya daxwazên wan û mafên ku wan bi dest xistine zêde bikin.

Bi nehêlana tundiya li dijî jinan, dê şiyanên keç û jinên Kurd zêdetir pêş bikevin û beşdariya wan di qadên giştî de berfireh bibe.

YNKê her tim piştgirîya jinên Kurdistanê di têkoşîna wan de kiriye û astengiyên li pêşiya wan, tevî tundûtûjiya di her astê de jî, ji holê rakiriye.

Mekteba Siyasî

Yekîtiya Nîştimanî ya Kurdistanê

PUKMEDIA