Qubad Talebanî: Pêdiviye Îraqê bi hikûmetek xizmetguzar heye

Ragihandina Qubad Talebanî

Civîna Qubad Talebanî bi Balyoza Hollandayê

Cîgirê Serokwezîr Qubad Talebanî pêşwazî li Janet Alberta, Balyoza Hollanda li Îraqê kir û li ser pêvajoya siyasî ya li Îraqê piştî hilbijartinan û çawaniya pêşxistina peywendiyên bazirganî yên di navbera Hollanda û Herêma Kurdistanê de gotûbêj kirin.

Di civîna îro Sêşemê rêkefta (25-11-2025) an de pêvajoya siyasî ya Îraqê piştî hilbijartina Civata Nûneran ya Îraqê hate gotûbêj kirin, Cîgirê Serokwezîran got :Îraq pêdivî bi hikûmetek çalak, bihêz û xizmetguzar heye ku ji bo hemû pêkhateyan cihê razîbûnê be û bikaribe pirsgirêkên di navbera Herêma Kurdistanê û Bexdayê de li gorî destûrê çareser bike.

Qubad Talebanî aşkere kir ku divê aliyên Kurdistanî ji bo xurtkirina pêgeha Kurd li Bexdayê hevahengî û hevkariyê bikin û got: Dema ku herêm bihêz be, wê demê pêgeha Kurd li Bexdayê xurt dibe.

Di beşeke din ya civînê de, wan behsa çawaniya xurtkirina peywediyên bazirganî yên di navbera Herêma Kurdistanê û Holandayê de kirin, di vê derbarê de, Cîgirê Serokwezîran behsa pêvajoya pêşketina Herêma Kurdistanê di warên cûrbecûr de kir û got: Li Kurdistanê derfetên baş hene ji bo kompaniya û veberhênerên Holendî da ku bi bandortir beşdarî pêvajoya pêşxistina Kurdistanê bibin, bi taybetî di warên çandinî û geştiyariyê de.

PUKMEDIA