NY: Îsal rojane li cîhanê 137 jin hatine kuştin

Malpera YN

Tundûtîjiya Li Dijî Jinan

Neteweyên Yekbûyî ragihand ku sala 2025ˊan rojane 137 jin hatine kuştin ku ev yek nîşaneya tundiya zêde ya li dijî jinan e.

Bi boneya Roja Têkoşîna li dijî Tundiya li ser Jinan ya Cîhanê, Nivîsgeha li dijî Hişbir û Tawanan û Desteya Jinan yên Neteweyên Yekbûyî (NY), raporta tawana kuştina jinan ya sala 2025ˊan belav kir. 

Di raportê de hate destnîşankirin ku li seranserî cîhanê rojane her 10 deqeyan jinek hatiye kuştin ku rojane 137 jin hatine kuştin û ji sedî 60’ê jinên kuştî, bi destê endamên malbata xwe hatine kuştin.

Derbarê mijarê de, ji Rêvbera Beşa Siyasî ya Desteya Jinan ya Neteweyên Yekbûyî (NY) Sarah Hendricks ragihand ku tawanên kuştina jinan bi tenê serê xwe çênabin, lê bi berdewama tundiya ji reftarên kontrolkirinê, gef, astengî û înternetê dest pê dikin.

Sarahê got: Kempîna 16 Rojên Çalakiya li dijî Tundiya li ser Bingeha Zayendî ya îsal aşkera dike ku tundiya dîjîtal pir caran ne tenê bi înternetê ve sînordar e, lê dibe xerabtir bibe, heta bigihêje kuştinê.

Ji aliyekî din ve Rêvbera Nivîsgeha li dijî Hişbir û Tawanan ya NY got: Li gorî raportê divê stratejiyên rêgirtin û bersivdanên dadweriyê li  hember kuştina jinan bên cî bi cî kirin.

PUKMEDIA