Serokê Çînê bo Trump:Vegera Taywan bo Çînê beşek ji pergala navneteweyî ye

Reuters

Serokê Amerîka Donald Trump û Serokê Çînê Xi Jinping

Ajansa nûçeyan ya Çînê Xinhua ragihand ku Serokê Çînê Xi Jinping îro roja Duşemê di pêwendiyeke telefonî de ji Serokê Amerîka Donald Trump re gotiye: Vegera Taywan bo Çînê" pêkhateyeke bingehîn a rêziknameya navneteweyî ya piştî Şerê Cîhanê yê Duyemîn e,li gorî raporta ajansa nûçeyan ya welatê Çînê.

Her weha Xi gotiye: Çîn û Amerîka carekê li dijî faşîzm û mîlîtarîzmê mil bi mil şer dikirin, û divê niha jî bi hevre kar bikin daku encamên Şerê Cîhanê yê Duyemîn biparêzin.

Çîn Taywanê wekî beşek ji axa xwe dibîne û bikaranîna hêzê ji bo kontrolkirina giravê red ne kiriye,lê hikûmeta Taywanê îdiayên serweriya Pekînê red dike û tekez dike ku tenê gelê giravê dikare pêşeroja xwe diyar bike.

Ev banga telefonê di demekê de tê ku Çîn di salên dawî de bi Japonya re di navbera xwe de nakokiya dîplomatîk ya herî cidî ya piştî ku Serokwezîrên Japonya Sanae Takaichi got:Êrîşeke Çînê ya li ser Taywanê dikare bibe sedema bersiveke leşkerî ji Tokyo.

Xi û Trump herî dawî di 30ê Cotmehê de li Koreya Başûr civiyan piştî çend mehan ji aloziyên aborî yên ku ji ber tedbîrên gumrikê yên Trump çêbûn,ji wê demê ve, Çînê kirîna soyaya Amerîkî ji nû ve dest pê kir û sînorkirinên berfireh yên li ser hinardekirina erdên nadir rakir, di heman demê de Amerîka bacên gumrikê li ser kelûpelên Çînî bi rêjeya %10 kêm kirin.

Xi aşkere kir ku peywendiyên dualî ji civîna Seulê vir ve "stabîl bûne û baştir bûne her weha ji Trump re got:Rastî careke din nîşan didin ku hevkarî sûdê dide her du aliyan, lê pevçûn zirarê dide her duyan,û her du neteweyan teşwîq kir ku hewldanên xwe yên avaker bidomînin û hevkariyê berfireh bikin.

Her du serkirdeyan her wiha li ser şerê li Ukrayna gotûbêj kirin û Xi piştgiriya Çînê ji bo hemî hewildanên ku ji bo aştiyê ne dubare kir û bang li hemî aliyan kir ku ji bo kêmkirina nakokiyên xwe kar bikin.

Çavkanî: Reuters

PUKMEDIA