Qubad Talebanî: Divê hem Hikûmetên Îraq û Herêma Kurdistanê pêşerojê pirsgirêkan çareser bikin

Ragihandina Cîgirê Serokwezîr

Qubad Talebanî û Mihemed Hesen, Nûnerê Taybet ê Sekreterê Giştî yê Neteweyên Yekbûyî

Cîgirê Serokwezîr Qubad Talebanî bi Balyozê Brîtanyayê li Îraqê Îrfan Sadiq, Balyozê Îtalyayê Nicolo Fontana û Nûnerê Taybet yê Sekreterê Giştî yê Neteweyên Yekbûyî li Îraqê Mihemed Hesen re civiya.

Di hersê civînên ku roja Sêşemê 18ê Mijdara 2025an li Hewlêrê hatin lidarxistin de, rewşa Îraqê piştî hilbijartinên parlemanî hate gotûbêjkirin,

Cîgirê Serokwezîr lidarxistina serkeftî ya hilbijartinan wekî destkeftiyek mezin ji bo gelê Îraqê bi nav kir û hêvî kir ku encamên hilbijartinan bibin sedema avakirina hikûmetek ku daxwazên welatiyên Îraqê bicîh bîne û mafên hemû pêkhateyan biparêze.

Talebanî tekez kir ku divê pêşîniya her du hikûmetên bê çareserkirina pirsgirêkên di navbera Herêma Kurdistanê û Bexdayê de be, li gorî destûrê, wî got ku çareserkirina pirsgirêkan dê deriyê Îraqek aramtir veke û ber bi pêşkeftina aborî û xizmetguzariyên çêtir ve biçe.


Derbarê çawaniya beşdarbûna partiyên Kurdî di hikûmeta bê ya Îraqê de, Cîgirê Serokwezîr pêwîst dît ku partiyên Kurdî bi riya diyalogeke avaker li ser bernameyê, û li ser   hevbeş li hev bikin û bi yekîtîyê bi partîyên Îraqî re danûstandinan bikin daku mafên destûrî yên gelê Kurd  baştir biparêzin.

PUKMEDIA