Pesendkirina hikûmeta federal bo damezrandina mamosteyên xwebexş li Kerkûkê nêzîk e

PUKMEDIA

Rêbwar Taha, Serokê Lîsta hejamre 222 ya Yekîtiya Niştimanî ya Kurdistanê (YNK) li Kerkûkê

Parêzgarê Kerkûkê Rêbwar Taha ragihand ku wî ji Serokwezîrê Îraqê Mihemed Şeyah El Sûdanî pesendkirina pêşîn wergirtiye daku 2 hezar û 200 derceyên kar ji bo damezrandina mamosteyên xwebexş ji nav 7 hezar û 200 kesan li parêzgehê werin veqetandin û destnîşan kir ku ev mijar dê di rojeva civîna Kabîneyê de ji bo gotûbêjan dê were zêdekirin.

Parêzgar aşkere kir ku wî di vê dawiyê nameyek fermî ji Serokwezîr re şandiye û daxwaza pejirandina damezrandina mamosteyên xwebexş li Kerkûkê kiriye û nîşan daye ku ev mijar dikeve bin peymanên ewlehiya xwarinê yên parêzgehê.

Rêbwar Taha tekez kir ku pêwîst e saziyên perwerdehiyê yên li Kerkûkê mamosteyên xwebexş yên ku di dagirtina kêmasiya karmendên hînkirinê de beşdar bûne, biparêzin û destnîşan kir ku damezrandina wan dê pêvajoya perwerdehiyê baştir bike û dê beşdarî xizmetkirina nifşên pêşerojê bibe.

PUKMEDIA