Serok Bafil û Helbûsî tekezî li ser pêdiviya hilbijartinên dadperwerane dikin

Nivîsgeha Rojnamevanî ya Serok Bafil

Beşek ji civînê

Birêz Bafil Celal Talebanî, Serokê Yekîtiya Niştimanî ya Kurdistanê, li Bexdayê digel Birêz Mihemed El Helbûsî, Serokê Hevpeymaniya Pêşketinê civiya.

Di civînê de, ku Endamê Mekteba Siyasî ya Yekîtiya Niştimanî ya Kurdistanê (YNK) Nîzar Amêdî û Wezîrê Dadê yê Îraqê Dr. Xalid Şawanî amade bûn,her du aliyan derbarê hevkarî û hemahengiyê gotûbêj kirin, û tekez li ser pêwîstiya pêşxistina peywendiyên du alî ji bo çalakiyên hevbeş û pêşkêşkirina xizmetên zêdetir ji welatiyan kirin.

Di civînê de tekezî li ser pêwîstiya lidarxistina hilbijartinên şefaf û dadperwerane hate kirin ku vîna hemû welatiyan, neteweyan û pêkhateyên welêt nîşan bide.

Di civînê de, her du aliyan derbarê pirsgirêkên di navbera Hewlêr û Bexdayê de nêrînên xwe parve kirin û Serok Bafil Celal Talebanî got: Yekîtîya Niştimanî ya Kurdistanê (YNK) pabendî regezên neteweyî ye û berjewendiyên gelê me li Bexdayê wekî yên herî girîng dibîne; û ji bo vê armancê, emê hewlên xwe ji bo dabînkirina mûçeyên welatiyên xwe û misogerkirina debara jiyana wan bidomînin.

PUKMEDIA