Serok Bafil bo Sûdanî: Divê şandina mûçeyan bi leztir be

Ragihandina Serokê YNKê

Serok Bafil û Serokwezîrê Îraqê

Bafil Celal Talebanî, Serokê Yekîtiya Niştimanî ya Kurdistanê (YNK), li Bexdayê bi Serokwezîrê Îraqê Mihemed Şeyah Sûdanî re civiya.

Di civînê de Nîzar Amêdî, Endamê Mekteba Siyasî ya YNKê û Dr. Xalid Şuwanî, Wezîrê Dadê yê Îraqê, amade bûn, pêşketinên dawî yên li Îraq û herêmê hatin gotûbêjkirin.

Wan li ser cîbicîkirina rêkeftina petrolê ya di navbera Herêma Kurdistanê û Îraqê de û rakirina hemû astengiyên li pêşiya rêkeftinê gotûbêj kirin, Serok Bafil Celal Talebanî daxwaz ji Serokwezîrê Îraqê kir ku rêkarên şandina mûçeyan bilez bike daku dema belavkirina mûçeyan li Herêma Kurdistanê bi Îraqê re yekgirtî be.

Di heman civînê de, Serokwezîrê Îraqê û Serokê Yekîtiya Niştimanî ya Kurdistanê (YNK) li ser HilbijarCivta Nûnerên Îraqê axivîn û tekezî li ser lidarxistina hilbijartinên paqij û dadperwer kirin.

Di beşek din a civînê de, Bafil Celal Talebanî ji bo guhertina navê Balafirgeha Navneteweyî ya Silêmaniyê bo Balafirgeha Navneteweyî ya Celal Talebanî spasiya Mihemed Şeyah Sûdanî kir.

Xizmetkirina malbatên şehîdan li Herêma Kurdistan û Îraqê tewerek din ya civînê bû û Serok Bafil Celal Talebanî ragihand ku Serokwezîrê Îraqê bi xwe kurê şehîdekî ye, ji ber vê yekê wî girîngiyeke taybet daye malbatên şehîdan, ku ev yek hêjayî pêzanînê ye.

PUKMEDIA