Silêmanî kesktirîn bajarê Îraqê ye

Medya

Silêmanî

Serokê Partiya Kesk ya Kurdistanê piştrast kir ku parêzgeha Silêmaniyê xwedî rêjeya herî bilind ya rûberê keskatiyê ye li Îraqê ; û destnîşan kir ku ew di vî warî de  keskatiya Silêmaniyê nêzîkî standardên navneteweyî ye.

MiIlko Baziyanî, Serokê Partiya Kesk ya Kurdistanê, di bernameya "Xak Mêvan" de axivî û ragihand ku hewldanên Partiya Kesk û aliyên peywendîdar ji bo zêdekirina rûberê keskatiyê li Silêmaniyê û Herêma Kurdistanê berdewam in û aşkere kir ku ev hewldan di çarçoveya planeke berfireh de ji bo baştirkirina jîngehê û rû bi rûbûna guherîna avhewayê.

Li gorî amarên Rêveberiya Daristanan ya Silêmaniyê, rûberek kesk ya li parêzgehê 12 milyon û 780 hezar metreçargoşe ye, ku rêjeya rûbera keskatiyê li wir digihîne %19.6, ku rêjeya herî bilind di nav hemî parêzgehên Îraqê de ye.

Saziyên hikûmeta herêmî û rêxistinên ne hikûmî ji bo zêdekirina rêjeya rûberê keskatiyê li Silêmaniyê kar dikin, û Yekîtiya Niştimanî ya Kurdistanê her sal destpêşxeriyên ji bo çandina daran û daristankirina deverên mezin yên erdê di nav parêzgeha Silêmaniyê de dest pê dike.

Serok Bafil Celal Talebanî di salvegera (47) damezrandina Yekîtiya Niştimanî ya Kurdistanê de gotibû: Emê xwezaya bedew ya Kurdistanê ji bîr nekin û emê ji niha heya sala bê kempînekê ji bo çandina milyonek daran li herêmên cuda cuda ragihînin daku welatê me kesk bibe.

PUKMEDIA