Navê Firokxaneya Silêmaniyê dibe Firokxaneya Celal Talebanî

PUKMEDIA

Firokxaneya Navneteweyî ya Silêmaniyê

Li ser daxwaza Dezgeha Serok Celal Talebanî (PJTF), Serokê Dezgehê jî dibêje:Piştî zêdetirî çar salan, hewlên me gihîştin armanca xwe û Serok Mam Celal, mîna serokên welatên din, ji bo têkoşîna xwe hêjayî rêzgirtinê ye.

Serokê Dezgeha Serok Celal Talebanî, Balyoz Dr. Mihemed Sabîr ji PUKMEDIA re got: Li ser daxwaza dezgeha me, Serokwezîrên Şraqê razî bûye ku navê Firokxaneya Navneteweyî ya Silêmaniyê bikin Firokxaneya Navneteweyî ya Celal Talebanî.

Wî got ku biryar ji Desteya Esmanî ya Sivîl û hemû aliyên peywendîdar û Firokxaneyan li Îraqê re hatiye şandin û tenê çend rêkarên yasayî mane, lê biryar ji bo guhertina navî hatiye dayîn.

Serokê Dezgeha Serok Celal Talebanî got: Piştî temamkirina rêkaran bi merasîmek hêjayî, navê Firokxaneya Navneteweyî ya Silêmaniyê dê bibe Firokxaneya Navneteweyî ya Celal Talebanî.


Wî her wiha got: Ev pêngava me xizmetek piçûk e ji bo têkoşîn û hewildanên Serok Mam Celal ji bo gelê Kurd û gelên Îraqê ye ji bo zindî hîştina navê wî, mîna hemû serokên din yên ku navê serokên xwe li Firokxaneya danîne.

Kevirê bingehîn ê Firokxaneya Navneteweyî ya Silêmaniyê roja 29ê Mijdara 2003an de hate danîn û roja 20ê Tîrmeh ya sala 2005an ji aliyê Serokkomarê Îraqê Mam Celal ve hate vekirin û piştre Firokxane bi hemî sîstem û planên Firokxanên navneteweyî, ku ji çend beşan pêk tê, dest bi karên xwe kir.

Dezgeha Serok Celal Talebanî rêxistinek e serbixwe, bê qezenc, çandî, mirovî û neteweyî ya nehikûmî ye ku ji bo danasîn, parastin û arşîvkirina jiyan û têkoşîna Serok Mam Celal Talebanî kar dike.

PUKMEDIA