Berdevka Komîsyonê: Wergirtina kartên dengdanê berdewam e

PUKMEDIA

Cûmane Xelayî, Berdevka Komîsyona Bilind ya Serbixwe ya Hilbijartinên Îraqê

Berdevka Komîsyona Bilind ya Serbixwe ya Hilbijartinên Îraqê ragihand ku,pêvajoya çapkirina kartên dengdanê ji bo Hilbijartinên Civata Nûneran ya Îraqê berdewam e û wergirtina kartên dengdanê dê heya dema hilbijartinê berdewam bibe.

Cûmane Xelayî, Berdevka Komîsyona Bilind ya Serbixwe ya Hilbijartinên Îraqê ji malpera fermî ya Yekîtiya Niştimanî ya Kurdistanê (PUKMEDIA) re ragihand ku piştî nûhkirina tomara dengdêran û serdanên welatiyan ji bo navendên komîsyonê, pêvajoya çapkirina kartên dengdanê berdewam e.

Her weha aşkere kir ku her kartek dengdanê ya ku were temamkirin, bi riya heman navenda komîsyonê dê ji welatiyan re were vegerandin, û ev pêvajo dê heya dema hilbijartinê berdewam bike.

Serdana navendên komîsyonê bikin

Hevdem Neberd Omer, Serokê Komîsyona Hilbijartinê ya Herêma Kurdistanê, got: Kartên dengdanê yên hemû kesên ku ji 25ê Adara 2025an heta 22ê Hezîrana 2025an serdana navendên komîsyonê kirine, temam bûne, welatî niha jî dikarin serdana navendên komîsyonê bikin û kartên xwe yên dengdanê werbigirin.

Her weha got: Di dawiya heyva Cotmeh ya îsal de, beşê duyemîn ya wergirtina kartên dengdanê dê dest pê bike.

PUKMEDIA