2. Civîna Komîsyona Hevgirtina Neteweyî, Biratî û Demokrasiyê tê sazkirin

Ajans

Civîna berê ya komisyonê

Biryar e sibe roja Înê Civîna duyemîn ya Komîsyona Hevgirtina Neteweyî, Biratî û Demokrasiyê li Civata Mezin ya Turkiye (TBMM) bi rêve biçe û du wezîr û Serokê Dezgeha Hewalgiriyê (MÎT) jî dê têde beşdar bibin çend zanyariyan pêşkêşî komîsyonê bikin.

Di daxuyaniyekê de li ser hesabê medyaya civakî yê Civata Mezin ya Turkiye (TBMM) hatiye ragihandin ku civîna duyemîn ya komîsyonê sibê roja Îrnê demjimêr 14:00an piştî nîvro de li Hola Merasîmê ya Civata Mezin ya Turkiye (TBMM) dê were sazkirin.

Hat diyarkirin ku Wezîrê Karên Navxwe Elî Yerlîkaya, Wezîrê Parastina Neteweyî Yaşar Guler û Rêveberê Dezgeha Hewalgiriya Neteweyî (MÎT) Îbrahîm Kalın ku ji bo civîna hatine vexwendin, dê komîsyonê derbarê xebatên berdewam de agahdar bikin.

Di daxuyaniyê de hatiye gotin: Komîsyonê di vê heyamê de derfetek dîrokî ji bo welatê xwe bi dest xistiye, û hatiye tekezkirin ku ewê pêvajoyeke girîng bişopîne daku pêşeroja welatê xwe xêzik bike.

Di civîna yekem ya (Komîsyona Hevgirtina Neteweyî, Biratî û Demokrasiyê)de, ku di çarçoveya hewildanên ji bo piştgiriya Pêvajoya Aştiyê ku li Civata Mezin ya Turkiye (TBMM) de hatibû sazkirin, babetên mîna (rêbaz û prensîbên karkirin yên komîsyonê bi yekdengî) hatibûn  gotûbê kirin û pesendkirin.

Ev yek di demekê de ye ku Yekemîn civîna komîsyonê ya ji bo pişgtiriya Pêvajoya Aştiyê li Turkiye roja Sêşem ya borî rêkefta ( 05-08-2025) an demjimêr 11:00an li Hola Merasîmê ya Civata Mezin ya Neteweyî ya Turkiyê (TBMM), bi serokatiya Serokê Parlemana Turkiye (TBMM) Numan Kurtulmuş û beşdariya hejmarek ji nûnerên Partiya Wekhevî û Demokratîk ya Gelan (DEM Partî) û partiyên din yên Turkiye hatibû sazkirin.

PUKMEDIA