Kurtulmuş: Çarenivîsa Kurd û Turk li Turkiye yek e

Ajans

Numan Kurtulmuş Serkê Parlemanê Turkiye

Serokê Parlemana Turkiye di civîna Komisyona bo piştgiriya Pêvajoya Aştiyê de got: Ev pêvajoya Aştiyê pirsek e man û nemanê ye ku pêşeroja hevpar ya welatiyên ji hemû beşên jiyanê, hem ji bo Turk û hem jî ji bo Kurd jiyanî ye.

Îro Yekemîn civîna komîsyona ji bo pişgtiriya Pêvajoya Aştiyê li Turkiye demjimêr 11:00an li Hola Merasîmê ya Civata Mezin ya Neteweyî ya Turkiyê (TBMM), bi axaftina vekirinê ya Serokê Parlemana wî welatî Numan Kurtulmuş dest pê kir û têde ragihand ku çarenivîsa Kurd û Turkan li Turkiye yek e û tekez kir ku, ewê ji bo bihêzkirina biratiya di navbera hemû pêkhateyên Turkiye de kar bikin.

Kurtulmuş got: Zimanekî ku rûmeta Kurdan ne parêze û gotarekî ku serbilindiya Turkan paşguh bixe, ev nêzîkatî dê bibin sedema şikestinên nû û ne aştiyê li vî welatî.

Kurtulmuş balkişand li ser derbasbûna qonaxeke nû û dadiyarkirin ku li Turkiye çarenivîsa Kurd û Turkan yek e û dazanîn ku careke din gelên Turkiyê li hev du guhdarî dikin û tekez kir ku ewê li parlemanê giyanê biratiyê ava bikin û wê yekê mezin bikin.

Serokê Parlemana Turkiye tekez kir ku çekdanîna Gerîlayên Partiya Karkerên Kurdistanê (PKK) ne di encama bazariyekê de bûye û parleman dê van babetan gotûbêj bike.

Kurtulmuş got: Bê guman fikara me ya sereke li vir ne nivîsandina destûrekê ye, pêkanîna çaksaziyên yasayî, an çareserkirina hemû pirsgirêkan di carekê de ye, ew ji bo bîranîna me ye ku parleman, ji bilî ku dengê gel e, di heman demê de hilgirê aştiya civakî, gerantîkarê biratiyê û navnîşana rewa ya çareseriyan e.

Serokê Parlemana Turkiye aşkjere kir ku bi bêyî fêmkirina Selahedîn û Nûredîn Zengî, em nikarin xwezaya rastîn ya van axan têbigihin û bi bêyî fêmkirina bingeha kirinên Alp Arslan û Kiliçarslan, em nikarin wateya meşa bi hevre fêm bikin, ew kes hemû di serdemên xwe de kesayetên mezin bûn, pêşeng û sembolên dadwerî, birayetî, hevgirtin, hevaltî, parvekirina şahî û xemgîniyê ye.

Kurtulmuş di dawiya xaxaftina xwe de derbarê avabûna komîsyonê de aşkere kir ku ewê destûrek e nû amade nekin, lê emê bingeha wekhevî û biratiyê deynin û her pêngavek e komîsyonê jî bi awayekî zelal dê bê avêtin.

PUKMEDIA