Numan Kurtulmuş ji bo komîsyonê spasiya serokên partiyan dike

BBC Turkî

Parlemena Turkiye

Komîsyona ku li Parlemana Turkiye ji bo piştgiriya pêvajoya Aştiyê hatiye damezrandin, dê roja Sêşemê, 5ê Tebaxê, civîna xwe ya yekem saz bike, Serokê Parlemana Turkiye Numan Kurtulmuş berî civînê bi serokên partiyan re telefon kir daku ji bo piştgiriya wan spasiya wan bike.

Piştî ku endamên Komîsyona ji bo piştgiriya Pêvajoya çareseriyê hatin destnîşankirin, roja sazkirina civîna li parlemanê jî hat e destnîşankirin.

Serokê Civata Mezin ya Turkiye (TBMM) Numan Kurtulmuş endamên komisyonê vexwend civînekê ku roja Sêşemê 5ê Tebaxa 2025an demjimêr 11:00an dê li Hola Merasîmên Civata Mezin ya Turkiye were sazkirin.

Tevî ku Partiya Îyî ku endamên xwe ji bo komisyonê destnîşan ne kiriye jî, lê civîna komisyonê bi serokatiya Numan Kurtulmuş bi beşdariya 48 endaman dê bê sazkirin.

Komisyon di civîna xwe ya yekem de dê rêbaz û prensîbên xebata xwe diyar bike, navê xwe zelal bike û bi piraniya dengan biryaran bide, lê civîn li pişt deriyên girtî bi bê rumalkirina civînê ji aliyê rojnamevan û kenalên ragihandinê ve dê bê sazkirin û civînên komisyonê ji niha û pêve heya heyva Cotmeh ya bê dê berdewam bibin.

Serokê Civata Mezin ya Turkiyê, Numan Kurtulmuş, ji bo endaman ku di komîsyona li Civata Mezin ya Turkiyê de bi armanca Turkiye ya Aram" hatiye damezrandin, spasiya xwe pêşkêşî Serokkomar û Serokê Partiya Dad û Geşepêdanê (AK Partî), Recep Teyîp Erdogan kir, her weha bi riya telefonê jî spasiya Serokê Partiya Komarî ya Gel (CHP), Ozgur Ozel, Hevserokê Partiya Wekhevî û Demokrasiya Gelan (DEM Partî), Tuncer Bakirhan, Serokê Partiya Tevgera Neteweperest (MHP), Devlet Bahçeli û Serokê Koma Partiya Riya Nû, Bulent Kaya kir.

Tê pêşbînî kirin ku komisyon dê biryara xwe bi piraniya dengan bide, lê ew ê pêşnûmeyasayekê pêşkêşî parlemanê neke,li şûna wê ew ê ji bo qonaxa pêş raman û çareseriyan pêşkêş bike, li gorî hêvî û daxwazên berpirsên Partiya Wekhevî û Demokrasiya Gelan (DEM Partî) :Divê Partiya Karkerên Kurdistanê (PKK) ji lîsta terorê bê derxistin, daku siza siviktir bibin û pêşî li dûrxistina şaredaran ji karên wan yln bajêrvaniyê bê girtin.

PUKMEDIA