Erdhej û tsûnamiyekî bihêz Rûsya hejand

Rûsya Îro

Dîmenê piştî erdhejê

Li Rûsyayê erdhejeke bi hêza 8,8 pileyan çêbû û pêlên yekem ên tsunamiyê gihiştin peravê.Li Nîvgirava Kamçatkayê ya li rojhilatê Rûsyayê erdhejeke bi hêza 8,8 pileyan çêbû.

Ji ber metirsiya tsunamiyê daxwaz ji xelkê hat kirin ku nêzîkî peravan nebin.Li gorî agahiyên ku hatine belavkirin, pêlên yekem ên tsunamiyê gihiştine peravên Kamçatka û Japonyayê.

Karkerên li Santrala Nukleer a Fukuşîmayê şandin malê.Li Amerîkayê jî bi taybetî ji bo peravên Hawaiiyê fermana valakirinê hat dayîn.

Li gorî Saziya Lêkolînên Jeolojîk a Amerîkayê, erdhej li xaleke nêzîkî ser rûyê avê çêbûye.Pişt re yekser hişyariya tsunamiyê hatiye dayîn.

Sîstema Agahdariyê ya Tsunamiyê ya Amerîkayê ragihand ku piştî erdhejê bi 3 demjimêran eger heye li hinek peravên Rûsya û Japonyayê pêlên tsunamiyê yên metirsîdar çêbibin.

Piştî hişyariyê ji bo Giravên Guam û Mariana Bakur pergalên hişyariya şopandina tsunamiyê ketin kar.Piştî demeke kurt pêlên nêzîka 4 metreyan gehiştin Nîvgirava Kamçatkayê.

Parêzgarê Herêmê yê Rûsyayê ragihand ku gelek birîndar hene.Her wiha hatiye ragihandin ku pêşdibistanekê zerar dîtiye.

Li hêla din, bajarokê Severo-Kurilskê jî hat valakirin ku 2000 kes li dijîn.

PUKMEDIA