NY daxwaza vegerandina mafên Êzidiyan dike

Medyaya Neteweyên Yekbûyî

Claudio Cordone, Cîgirê Nûnerê Taybet ê Sekreterê Giştî yê NY li Îraqê ji bo Karûbarên Siyasî

Claudio Cordone, Cîgirê Nûnerê Taybet yê Sekreterê Giştî yê Neteweyên Yekbûyî yê Îraqê ji bo Karûbarên Siyasî û Alîkariya Hilbijartinê, di merasîmekê de, bi boneya salvegera qirkirina Êzidiyan, gotarek e xemgîn pêşkêş kir, û hevgirtina bêdawî ya NY bi qurbaniyan re ji nû ve piştrast kir û daxwaza pêşketinên berbiçav di dadwetrî, qerebûkirin û vegera bi ewle ya Êzîdiyan de kir.

Cordone di bîranînê de axivî û hevgirtina tevahî ya Neteweyên Yekbûyî bi hemî qurbaniyên DAIŞ re anî ziman, û wê wekî "yek ji îdeolojiyên herî hov, nezan û xirab di dîroka nûjen de bi nav kir.

Cordone bal kişand ser pirsgirêkên berdewam yên ku xelkê Êzidî pê re rû bi rû dimîne û destnîşan kir ku zêdetirî 200 hezar Êzidî hîn jî bê war mane, gelek ji wan hîna jî di kampan de dijîn û zêdetirî 2 hazar û 600 Êzidî hîna jî winda ne, û yên ku vedigerin ji ber nebûna xizmetguzarî û piştgiriyê bi mercên dijwar re rû bi rû dimînin.

Navbirî got: Ez pêşwazî li hewlên Bexda û Hewlêrê di vî warî de dikim,û ez daxwaza hewldanên zêdetir û zûtir dikim ji bo vegerandina mafên Êzidiyan û vejandina civaka Êzidî.

Cordone girîngiya qebûlkirina zirara ku ji aliyê rizgarbûyan ve hatiye kişandin û alîkariya wan ji bo ji nû ve avakirina jiyana xwe de tekez kir.

Her çend e zêdetirî 2 hezar û 200 rizgarbûyan ji yasaya Rizgarbûyên Êzidî ji dema pejirandina wê çar sal berê ve sûd wergirtine jî, wî astengiyên berdewam yên li pêşiya pêkanîna wê ya bi bandor destnîşan kir.

Her weha daxwaz piştgiriya berfireh ji bo jinên ku neçar mane bi çekdarên DAIŞê re hevjîniyê bikin û ji bo zarokên ku ji destdirêjiya ser wan jinan çêdibin kir, û ji civakên wan xwest ku wan hembêz bikin ne ku ji wan dûr bixin.

Cordone girîngiya darizandina tawanbarên DAIŞê bi riya dadweriyê li Îraqê an jî bi hevkariya dadweriyên din ji nû ve piştrast kir û got: Divê dadwerî hebe, ne tolhildanû pêwîst e kesên ku di dema qirkirinê de Êzîdî parastine bên naskirin.

Roja 3ê Tebaxa 2014an de, terorîstên DAIŞê hêrîşeke hovane li ser Şingal  axa sereke ya Êzîdiyan destpêkirin û di encamê de bi hezaran mêrên Êzîdî hatin kuştin û jin û zarok revandin daku bi zorê wan bikin kole.

Li gorî Neteweyên Yekbûyî, di komkujiyê de 5 hezar mêrên Êzidî hatibûn kuştin û bi hezaran jin û keçên ciwan yên Êzîdî jî hatibûn revandin. 

DAIŞê di sala 2014an de heta sala 2017an, dema ku Îraqê ragihand ku Nînewa, Enbar, Selahedîn û hin deverên Kerkûk û Diyale kontrol kiri, li ser sêyeka Îraqê kontrola xwe bi dest xist. 
 
Di wê demê de Yekîtiya Niştimanî ya Kurdistanê (YNK) helwestek wêrek girt û gelek yekîneyên parastinê ava kir û li derdora Şingalê bi cih bûn ku armanca wan ew bû ku bi tevahî kesên koçber yên li Çiyayê Şingalê rizgar bikin ku zêdetirî 100 Pêşmergeyên (YNK) li hêla pêşîn di şerê digel terorsîtên DAIŞê de bi mêrxasî şehîd bûn.

PUKMEDIA