Ji ber lehiyê 30 kesan li Çînê canê xwe ji dest dan

Medya

Wêneyek ji lehiyê

Baranek e bi hêz bajarê Pekîn paytexta Çînê girt û di encamê de 30 kesan canê xwe ji dest dan û zêdetirî 80 hezar kes jî bê cih û war man, her weha haydarî derbarê xiraptirbûna rewşê hatiye dayîn.

Medyayên Çînê ragihandin ku roja Duşemê rêkefta (28-07-2025) an baranek e bi hêz li bajarê Pekîn û çend parêzgehên din yên Çînê barî û di encamê de 30 kesan canê xwe ji dest dan û zêdetirî 80 hezar kes bi neçar man ku cih û warên xwe çol kirin.

Her weha amaje bi wê yekê kir ku, bi dehan rê hatine girtin û zêdetirî 130 gund jî bê kareba mane, û tê pêşbînîkirin ku baran heya roja Çarşem ya bê berdewam bibe.

Beriya niha,Serokê Çînê Xi Jinping bang daxwaz ji rayedaran kir ku rêkarên pêwîst bigirin ber, daku pêşî li lehiyan bigirin û encamên karesatên xwezayî jî ji holê rakin.

PUKMEDIA