Parlementerekî YNKê,22 ciwanan ji Lîbiya vedigerîne Kurdistanê

AFP

Koçber

Parlamenterekî Yekîtî ya Nîştimanî ya Kurdistanê (YNK) ragihand ku wan 22 ciwanên akinciyên herêma Raperînê ji bo Herêma Kurdistanê hatin vegerandin ku li welatê Lîbiya asê mabûn ku hewl didan bi riya avê xwe bigihînin sînorê Îtalya.

Di wê derbarê de, Xerîb Ehmed, Endamê Civata Nûneran ya Êraqê ji Firaksiyona YNKê, ji malpera fermî ya Yekîtiya Nîştimanî ya Kurdistanê (PUKMEDIA) re ragihand bi saya hewldanên me yên berdewam di demên berê de, me dikarî 22 ciwanên Herêma Kurdistanê vegerînin cih û warên wan, ku piraniya wan akinciyên herêma Raperînê bûn ku ew li Lîbiya asê mabûn.

Xerîb Ehmed got: Ew ciwan nêzîkî heyvekê ye winda bûn, piştî ku malbatên wan ji me re gotin: Neviyên me li Lîbiya winda ne, em rasterast bi balyozê Êraqê yê li Lîbya re axivîn û me dikarî di demek e kurt de wan hemûyan bibînin û vegerînin bo polîsên federal.

Parlementerê Yekîtî ya Nîştimanî ya Kurdistanê (YNK) got: Niha hindek ji van ciwanan vegeriyane Herêma Kurdistanê û bi malbatên xwe re hatine cem hev û kêfxweş bûne, lê çend ciwanên din yên mane rêkarên wan yên yasayî bi dawî bûne û di çend rojên pêş de ewê jî vegerin Herêma Kurdistanê.

Li hember vê karî malbatên ciwanan spasiya parlamenterê Yekîtî ya Nîştimanî ya Kurdistanê (YNK) kirin û hewldanên wî yên ji bo vgeranidina neviyên wan ji bo Herêma Kurdistanê bilind nirxandin.

Demek e beşek ji ciwanên Herêma Kurdistanê  ji bo ku bigihîjin welatên Ewropa riyek e metirsîdar digirin ber ku diçin Lîbiya û piştre dixwazin bi riya avê xwe bigihînin sinorên welatê Îtalyayê, li hemberî vê karî jî  parlamenterê Yekîtî ya Nîştimanî ya Kurdistanê (YNK) tekez li ser metirsiya wê riya avê dike û  amaje bi wê yekê dike ku digel wê yekê ku riya avê metirsîdar e, hevdem rewşa Lîbiya jî ji bo geştkirinê ne guncaw e, lewra pêwîste Hikûmeta Herêma Kurdistanê çareseriyekê ji bo koçberiya ne yasayî ya ciwanan bibîne.

PUKMEDIA