Artêşa Îsraîlê agirbestek mirovî ya demkî ragihand

Ajans

Avêtina alîkariyan ji esman ve

Asta birçîbûnê li Kerta Xezeyê gihîştiye astên "karesatê û her sêyek ji malbatan bi rojan nikarin xwarinê bixwin, ji ber dorpêça berfireh ya Artêşa Îsraîlê li ser Kerta Xezeyê ye, lê rawestandina demkî ya operasyonên leşkerî ya Artêşa Îsraîlê li hinek herêman destûr hat dayîn ku ji nû ve avêtina alîkariyên xwarinê ji bi firokeyan dest pê bikin.

Artêşa Îsraîlê roja Yekşemê danê sibê ragihand ku wan alîkariya mirovî ji firokeyan bo welatiyên li Kerta Xeze avêtine xwarê.

Ji aliyekî din ve îro danê sibehê ji aliyê Misrê yê deriyê sînor ê Refahê yê bi Kerta Xeze re ber bi deriyê Kerem alim yê di navbera Kerta Xeze û Îsraîlê de nêzîkî 50 kamyonên alîkariyên mirovî ber bi deverên vekolîn û pişkinînê yên li Kerem Salim ve çûn, ku pêvajoya derbazbûna karwana alîkariyên mirovî îrp demjimêr 2 danê sibehê de dest pê kir.

Rêxistinên Alîkarî ya Navdewletî dibêje: Birçîbûna girseyî niha di nav 2 Milyon û 2 hezar akincî yên kerta Xeze belav bûye, û derfetên madeyên xwarin bi dawî dibin, piştî ku Îsraîlê di heyva Adarê de derbazbûna alîkariyên mirovî ji bo Kerta Xezeyê rawestandibû.

Bernameya Xwarinê ya Cîhanê roja Înê ragihandibû : Tenê zêdebûnek girîng ya alîkariyên madeyên xwarinê dikare pirsa "Karesata Birçîbûnê" ya ku Xezeyê ya dorpêçkirî aram bike, di heman demê de Artêşa Îsraîlê jî ragihand: Li Kerta Xezeyê çi rewşek e birçîbûnê nîne.

PUKMEDIA