Serok Bafil: Divê têgihîştin neyê astengkirin

Nivîsingeha Rojnamevanî ya Serok Bafil

Serok Bafil û Steve Bittner

Bafil Celal Talebanî, Serokê Yekîtiya Niştimanî ya Kurdistanê (YNK) li Debaşan pêşwazî li Steve Bitner, Konsulê Giştî yê Emrîka li Herêma Kurdistanê kir.

Di civînê de ku Şalaw Kosret Resûl jî amade bû, pêşketinên dawî yên siyasî hatin gotûbêjkirin û tekezî li ser pêşxistina peywedî û hevkariyên di navbera Herêma Kurdistanê û Emrîka de hate kirin.

Bafil Celal Talebanî amaje bi dijawriya rewşa welatiyan bi giştî û bi taybetî ya mûçexweran kir û ragihand ku, divê rê li ber têgihîştina li ser mûçeyan hatiye kirin neyê girtin û got: Me hemû hewlên xwe dane daku wê cî bi cî bikin û em bi hemû aliyên peywendîdar re di peywendiyan de ne.

Serok Bafil got: Divê tîmên teknîkî niha erkên xwe cî bi cî bikin û hewl bidin ku her astengiyek ku derkeve holê çareser bikin.

Ji aliyê xwe ve, Konsulê Giştî yê Emrîka rola Serok Bafil di nêzîkkirina aliyan de bo têgihîştinekê bilin nirxand.

PUKMEDIA