Rewangeha Sûrî: Zêdetirî hezar kes li Siweyda hatine kuştin

AFP

Aloziyên li Siweyda

Rewangeha Sûrî ji bo Mafên Mirovan ragihand ku di heft rojan de li bajarê Siweydayê zêdetirî hezar kes, ku di nav wan de 194  kesên sivîl hene, hatine kuştin.

Rewangeha Sûrî ji bo Mafên Mirovan got: Ji roja 13ê Tîrmeha 2025an vir ve, di şer û pevçûnên li bajarê Siweydayê yê li başûrê Sûriyê de hezar û 17 çekdar û leşker û sivîl, ku di nav wan de şeş zarok û 16 jin hene hatine kuştin.

 Rewangeha Sûrî ji bo Mafên Mirovan ragihand ku 336 çekdarên Durzî û 298 welatî yên Durzî hatine kuştin, ku 194 ji wan rasterast hatine gulebarankirin.

Rewangeha Sûrî ji bo Mafên Mirovan got: Bi giştî 342 leşkerên ji Wezareta Parastinê û Dezgehên Ewlekariya Giştî hatine kuştin, ku di nav de 21 çekdarên Bedewî hene û sê ji wan hatine gulebarankirin.

Rewangeha Sûrî ji bo Mafên Mirovan dazanîn ku di hêrîşên esmanî yên Îsraîlê de herî kêm 15 çekdarên hikûmetê hatine kuştin.

Roja 13ê Tîrmeh ya sala 2025an de, li parêzgeha Siweyda ya li başûrê Sûriyê di navbera Durzî û Bedewiyan de şer û pevçûn derketin, û di encamê de gelek kes hatin kuştin û birîndarkirin, piştre hêzên hikûmeta Sûriyê gihîştin bajêr û Îsraîlê jî ew hêz bombebaran kirin, û piştre agirbestek hat ragihandin, lê rewşa li bajêr hîna jî aloz e û eşîr ji bo şer û pevçûnan amadekariyên xwe dikin.

PUKMEDIA