Wezareta Neftê: Dahata firoştina neftê nêzîkî 7 Milyar Dolar bû

Ragihandina Wezareta Nefta Êraqê

Wezareta Nefta Êraqê

Wezareta Nefta Êraqê ragihand ku dahata firoştina nefta Êraqê meha borî gihîştiye 7 Milyar Dolaran, ku zêdetirî 100 Milyon bermîl hatine hinardekirin.

Wezareta Nefta Êraqê di daxuyaniyekê de ragihand ku li gorî amarên dawîn yên kompaniyên firotina neftê  ya dewletê (SOMO), Êraqê 100 Milyon û 953 Hezar û 282 bermîlên neftê hinarde kiriye.

Derbarê dahat firoştina neftê jî aşkere kir ku dahata neftê gihîştiye 6 Milyar û 738  Milyon û 309 Hezar Dolaran.

Wezareta Neftê di amarekê de de diyar kir ku di meha Nîsanê de bi giştî kojmê nefta xav ya ji bîrên navend û başûrê Êraqê hatiye hinardekirin 99 Milyon û 752 Hezar û 879 bermîl bû.

Di dawiyê de Wezareta Nefta Êraqê ragihand ku hejmara hinardekirina ji zeviya Geyre 900 Hezar û 584 bermîl bû, di heman demê de kojmê hinardekirina jibo Urdunê 299 Hezar û 819 bermîl bû.

PUKMEDIA