170 milyon dînar ji bo xortekî li Silêmaniyê

Lotoya Xêrxwaziya Iraqê

170 milyon dînar qezenc kir

Li Silêmaniyê xortekî di bernameya lotoya xêrxwaziyê de 170 milyon dînar qezenc kir û got:"Ez sê sal in beşdar dibim û ez hin ji xeyalên xwe pêk tînim.’’

Necm Aqabî, Rêveberê Giştî yê Medya û Têkiliyên Erebî û Navneteweyî li Wezareta Karûbarên Civakî got, Lotoya Iraqê bernameyeke xêrxwaziyê ye ku armanc dike sûdê bide feqîran.

"Bername tevahiya Iraqê, tevî Herêma Kurdistanê, digire nav xwe û armanc dike ku sûdê bide takekesên di civakê de."

Wî zêde kir:"Heta niha bername çar caran ji bo feqîran hatiye weşandin û yek ji serketîyan ciwanekî ji Silêmaniyê ye."

Danyar Yadgar, kesê ku di lotoya Silêmaniyê de bi ser ket, di daxuyaniyekê de wiha got:"Ez kêfxweş im ku di bernameyê de bi ser ketim ji ber ku ez sê sal in beşdar dibim."

Wî got:"Îro ez karîbûm bi ser bikevim û bi saya vê yekê ez ê hin xewnên xwe pêk bînim, di nav de kirîna otomobîlek û avakirina projeyên piçûk ji bo xwe û malbata xwe."

PUKMEDIA