Êraq û Turkiyê çend peyman îmze kirin

Nivîsingeha Ragihandina Serokwezîrên Êraqê

Îmzekirina peymanên navbera Êraq û Turkiye

Bi amadebûna Mihemd Şeyah Sûdanî, Serokwezîrên Êraqê û Recep Tayip Erdogan, Serok komarê Turkiye 10 peyman hatin îmzekirin.

Rêkeftin di warên (leşkerî, Keşûhewa, peywendiyên bazirganî, pêşîlêgirtin li madeyên hişber, parastina sînor û hemahengiya di navbera her du welatan de) li xwe digire.

Recep Teyîp Erdogan piştî îmzekirina peymanan got: Em dixwazin di mijarên wekî ji nûve destpêkirina hinardekirina neftê bi riya boriya Êraq-Turkiye de zû pêşve biçin.

Her du aliyan derbarê bazirganiya navbera her du welatan de aşkere kirin ku, qebareya bazirganiyê ya di navbera her du welatan de 18 milyar e û em ê wê zêdetir jî bikin.

Erdogan got: Sûdanî di pêkanîna aramiyê li Êraqê de roleke baş lîstiye û aramiya herdu welatan ji hev nayê veqetandin.

Mihemed Şeyah Sûdanî jî got: Peywendiyên Êraq û Turkiye li ser çend prensîban ava bûne, û peywendiyên navbera me wek peywendiyên du gel yên hevsê in.

Derbarê pirsên ku gotûbêj li ser kirine, Sûdanî got: Me li ser du mijaran gotûbêj kirin, ya herî girîng ewlehî ye û me gotiye ku ewlehiya Turkiye ji bo me wekî ewlehiya Êraqê ye.

Amaje bi wê yekê jî kir ku em ê rê nedin kesî ku axa me bikar bîne daku êrîşî welatên hevsê bike.

Derbarê pirsa duyem jî got:Pirsgirêka me ya duyem, ku gelek li ser hate gotûbêjkirin,hemahengî û lihevkirin li ser mijara avê ye, lewra em li ser rewşa xirab ya Êraqê ya kêmiya avê axifîn.

*Yadaştname ev tiştan li xwe digirin:

-Yadaşta Têgihîştinê li ser Parastin û Danûstandina Şiyanan.

-Yadaşta Têgihîştinê li ser Alîkariya Penaberên Êraqî yên ku Dilxwaz Vedigerin.

-Yadaşta Têgihîştinê di warê dadweriyê de.

-Yadaşta Têgihîştina di warê şerê li dijî narkotîkê de.

-Protokola li ser vekirina zanîngehên Turkî li Bexda û Besra.

-Yadaşta Têgihîştinê di warê rewşên awarte yên karesatên xwezayî de.

-Yadaşta Têgihîştin di warê peywendiyên giştî yên elektronîkî de.

-Yadaşta Têgihîştina di warê kontrolkirina kalîteyê de.

-Yadaşta Têgihîştina perwerde û jêhatîbûnên li Wezareta Karên Hundir.

PUKMEDIA