Komîsyonê têsta dawî ya proseya dengdanê encam da

PUKMEDIA

Logoya komîsyonê û proseya dengdanê

Komîsyona Bilind ya Serbixwe ya Hilbijartinan a Êraq`ê têsta dawî ya proseya dengdana ya Gera Şeşem ya Hilbijartinên Parlemena Kurdistan`ê pêk anî; û biryar e di hefteya bê de jî navên berbijêran pesend bike û roja destpêkirina bangeşeya hilbijartinan jî diyar bike.

Îmad Cemîl ;Serokê Tîma Ragihandina Komisyona Bilind ya Serbixwe ya Hilbijartinên Êraq`ê ji bo malpera fermî yê Yekîtî ya Nîştimanî ya Kurdistan`ê (YNK) PUKMEDIA re ragihand: êvareya  duhî roja Pêncşemê rêkefta 12-09-2024 an Komisyonê bi riya sîstema guhastina deng proseya taqîkirina fermî ji bo navenda guhastina dengan ji bo Hilbijartina Gera Şeşem ya Parlemana Kurdisan`ê encam da.

Îmad Cemîl got:Di heman demê de li tevaya navendên dengdanê  hejmare û data ji bo sîstema veguhestina dengan hatin şandin, daku komîsyona bilind ya serbixwe ya hilbijartinên Êraq`ê piştrast bike ku ew sîstem bi rêkûpêk kar dike yan na, ji ber ku ev tedbîra dawî ya komîsyonê ye ji bo proseya dengdanê.

Îmad Cemîl Serokê Tîma Ragihandina Komisyona Bilind ya Serbixwe ya Hilbijartinên Êraq`ê ragihand ku; Komîsyon dê hefteya bê navên berbijêran pesend bike û roja din jî dê dema bangeşeya hilbijartina ji bo gera şeşem ya parlemana Kurdistan`ê dest pê bike; her wiha di dema niha de navên berbijêran amade ne û hemû rêkar jî temam bûne.

Derbarê berbijarên hatine dûrxistin jî Serokê Tîma Ragihandina Komisyona Bilind ya Serbixwe ya Hilbijartinên Êraq`ê aşkere kir ku ew aliyên ku berbijêrên wan ne hatine dûrxistin û navên berbijêrên nû arasteya komisyonê kirine,lê berbijêrên serbixwe yên hatine dûrxistin çi berbjêrek li cihên wan nayê danan.

Li gor zanyariyên PUKMEDIA heya niha ji aliyê Komisyona Bilind ya Serbixwe ya Hilbijartinên Êraq`ê ve 7 berbijêr li gor madeya 21 ya yasaya Hilbijatina Parlemana Kurdistan`ê ya hejmare 1 ya sala 1992 an ya hatiye rastkirin; hatine dûrxistin ku çi kes ji wan ne berbijêrê Yekîtî ya Nîştimanî ya Kurdistan`ê (YNK) ye.

Biryare roja 20 Cotmeh ya sala 2024 an Hilbijartina Gera Şeşem ya Parlemana Kurdisan`ê birêve biçe ku 139 lîst in ku di nav wan de 2 Hevpeymanî û 13 Hiziban navên xwe tomar kirine ji bo beşdarîkirina di wê hilbijartinê de.

PUKMEDIA