Şalaw Kosret: Emê Hewlêr`ê vegerînin û rê nadin cudabûnê

PUKMEDIA

Şalaw Kosret Resûl

Şalaw Kosret Resûl; digel xelkê Hewlêr`ê civiya û çendîn peyamên girîng belav kir û bersiva welatiyan da û got:Emê Hewlêr`ê ji bo welatiyên resen paşve vegerînin.

Şalaw Kosret Resûl di civînê de ragihand ku em wek Yekîtî ya Nîştimanî ya Kurdistan`ê (YNK) ,dixwazin kabîneya dema bê ya hikûmeta Herêma Kurdistan`ê ji bo xizmeta hemû Kurd û tevahiya Kurdistanê be; û em ê cudakariyên di xizmeta bajar û navçeyên Kurdistanê de çareser bikin û Hewlêr`ê vegerînin ji bo Hewlêrî yên resen; û ez kêfxweş im ku bi gelê Hewlêr`ê re civiyam e.

Şalaw Kosret Resûl dibêje: Di dema niha de aliyek hikûmraniyê dike ku ji Mela Omer heta Koyê ku ji koma 700 haezar dengan tenê100 hezar deng bidest xistiye;lewra çênabe aliyek xwe bike piranî û bi kêfa xwe hikûmê bike, pêwîste parlemenek me ya bihêz hebe ku pirsgirêkan bi riya asayan çareser bike, ku ne enê li ser vîn û îradeya aliyekî.

 Got jî: Em û hûn dê bi hev re hewl bidin daku YNK`ê bi ser bikeve û wek desthilata birêz Kosret emê di heman astê de vê desthilatdariyê serast bikin bi piştgirî û dengên we emê xizmeta her kesekî bikin;û bi cudahiya deng û reng û bajar;em ê sozên ku me dane we bi cih bînin û xelkê xwecihî yên Hewlêr`ê bînin ser desthilatê, jiber ku ev bajar ji aliyê xelkên xwecihî yên bajêr ve nayê birêvebirin.

Amaje bi wê yekê jî kir ku, her dema ku YNK`ê li her herêmekê desthilatdar bû, aliyekî hewl dabû ku tohmetan ji bo serkirdeyên YNK`ê dirust bike; wek çawa ku berê jî birêz Kosret tawanbar kiribûn, lê gelê hêja yê Herêma Kurdistan`ê şahidê têkoşîn û qurbanîdanên YNK`ê ye û bi hebûna giranî ya YNK`ê emê rêbazê desthilatdariyê rast bikin.

 Şalaw Kosret Resûl got: Li Hewlêr`ê bi sedan proje li ser navê gel û hejaran hatine çêkirin, lê desthelatdar û dewlemend li wir dijîn lê xelkên xwecihî li deverên dûr kirêdar in; em ê van kesan vegerînin Hewlêr`ê û ev hemû jî bi dengên xizmên şehîdan, Pêşmergeyên dêrîn, ciwanên xwîngerm û welatiyan bên, eger nebe em neçarin serî li piraniya vî bajarî bidin.

Got jî: Destpêkê em ê bi çareserkirina pirsgirêka mûçexwerên xwe dest pê bikin, paşê jî emê derfetên kar ji xort û xwendekarên derçûyên xwe re çêbikin; û tekez kir ku ji her kesî re eşkere ye YNK`ê di desthilat û di nav partiya xwe de maf û post daye jinan û hertimî jî rêz li mafên wan girtiye.

PUKMEDIA