Nazim Debax: Pêgeha Silêmaniyê ji bo Îran`ê girîng e

Kurdistan 09:31 PM - 2024-09-12

Serok Bafil û Serok Komarê Îran`ê

Serdana serok komarê Îran ji bo Êraq`ê bi giştî û ji bo bajarê Silêmaniyê bi taybetî girîngiya xwe ya taybet heye û nûnerê Hikûmeta Herêma Kurdistan`ê li Taran`ê jî dibêje: Peyama serok komar ji bo herêmê zelal e ku amaje bi rola girîng a Silêmaniyê li ser asta Hewlêr`ê dike.

Pizîşkiyan : Em ji bo xatirê nasîn û YNK`ê hatine Silêmaniyê

Mesûd Pizîşkiyan; Serok Komarê Îran`ê li ser mezarê serok Mam Celal derbarê armanca sardana xwe ji bo bajarê Silêmaniyê bo kenalên ragihandinê got: Ez li Sablax ji dayîk bûme; û ez dixwazim vê deverê û Yekîtî zêdetir nas bikim; lewra bi min xweş e ku min sardana Silêmaniyê kiriye daku ji nêzîk ve bibînim û bikaribim di hemû waran de girîngiyek zêdetir bi peywendiyên me bidim.

Nûnerê Hikûmetê li Taran`ê: Silêmanî ji bo Îranê bi qasî Hewlêr`ê girîng e

Nazim Debax; Nûnerê Hikûmeta Herêma Kurdistan`ê li Tehran`ê ji bo malpera fermî yê Yekîtî ya Nîştimanî ya Kurdistan`ê (YNK) PUKMEDIA re ragihand: Hatina serok komarê Îran`ê ji bo Êraq û Herêma Kurdistan`ê destpêkeke baş e ji bo giringîdana zêdetir bi peywendiyan; her weha serdana wî ya ji bo bajarê Silêmaniyê jî vê rastiyê diselmîn ku Silêmaniyê jî bi qasî Hewlêr`ê ji bo Îran`ê girîng e.

Debax got: Serdana Mesûd Pizîşkiyan ya ji bo Silêmaniyê peyameke siyasî ye; ku tê wê wateya ku Hewlêr û Silêmanî ji bo Komara Îslamî ya Îran`ê bi hevtayê yektir in ku ji bo welatê wan girîng in; lê eger em li serdana serokên din yên ji bo Herêma Kurdistanê binêrin, ev serdana serokomarê Îran`ê ji bo Herêma Kurdistan`ê gelekî cudatir e, ji ber ku peyama serok komarê Îran`ê ji bo Herêma Kurdistan`ê parastina Herêma Kurdistanê ye.

Berdevkê YNK`ê: Îran`ê hertimî piştevaniya gelê Kurd kiriye

Komara Îslamî ya Îran`ê di hemû rewşên dijwar û ne hevseng de piştevaniya gelê Kurd kiribû; û YNK`ê jî hewla xurtkirina peywendiyan daye.

Seidî Ehmed Pîre; Berdevkê Yekîtî ya Nîştimanî ya Kurdistan`ê (YNK) ragihand ku, sardana serok komarê Îran ji bo Êraq û Herêma Kurdistan`ê bi giştî û bajarê Silêmaniyê bi taybet û civîna digel Bafil Celal Talebanî, Serokê Yekîtî ya Nîştimanî ya Kurdistan`ê (YNK) gelekî girîngiya xwe heye ji bo xurtkirina peywendiyên dîrokî digel Komara Îslamî ya Îran`ê; ku li ser destê Serok Mam Celal hatibû damezrandin; lewra emê wan di wan peywendiyan berdewam bin.


Seidî Pîre dibêje: Yekîtî ya Nîştimanî ya Kurdistan`ê hertimî hewla xurtkirina peywendiyên digel welatên cîhanê bi giştî û Îran`ê bi taybet daye, jiber ku welatê Îran`ê di şert û mercên zehmet de piştevaniya gelê Kurd û gelê Herêma Kurdistanê kiribû.

Berdevkê YNK`ê aşkere kir ku mirov dikare sûd ji peywendiyên Yekîtî ya Nîştimanî ya Kurdistan`ê (YNK) û Komara Îslamî ya Îran`ê werbigire; ji bo geşepêdana peywendiyên bazirganî û aborî yên di navbera her du welatan de; jiber ku YNK`ê hertimî peywendiyên xwe yên mezin û dîrokî digel Komara Îslamî ya Îran`ê hebûn.

Letîf Nêrweyî: Erdnîgariya Silêmaniyê wusa kiriye ku Îran girîngiyê bide wê

Bajarê Silêmaniyê ji ber cihê xwe yê erdnîgarî û hebûna YNK`ê û pêgeha Serok Bafil di girîngîdana welatê Îran`ê de; û sardana îro ya serok komarê Îran`ê wê rastiyê diselimîne.

Berpirsê Burda Ragihandinê ya Yekîtiya Niştimaniya Kurdistanê (YNK) Letîf Nêrweyî ji PUKMEDIA re ragihand ku: serdana serokomarê Îran`ê selminerê wê rasiyê ye ku peywendiyên YNK û welatên cîhanê berbi geşepêdanên zêdetir çûye ş erdnîgariya siyasî ya Silêmaniyê wusa kiriye ku Îran girîngiyek zêdetir bide wê.

Letîf Nêrweyî dibêje: J bo Îran`ê aramiya siyasî, aborî û ewlekarî ya Êraq`ê girînge û Yekîtiya Niştimanî ya Kurdistanê (YNK) jî di vê mijarê de bi Îran`ê re di heman nêrînan de ye û rola Serok Bafil Celal Talebanî jî di van pirsan de girîng bû û hewlên wî hertimî ji bo çareserkirina pirsgirêkan bû.

Îro danê sibehê Serok Komarê Îran`ê Mesûd Pizîşkiyan sardana Herêma Kurdistan`ê kir û digel Serokê Herêmê û Serokê Hikûmetê li Hewlêr`ê civiya; piştre jî bi riya firokxaneya navdewletî ya Silêamniyê gihîşte bajarê Silêmaniyê û Ji aliyê Serokê Yekîtiya Niştimaniya Kurdistan`ê (YNK) Bafil Celal Talebanî ve hat pêşwazîkirin; piştre qefta gulan ya rêz û dilsoziyê li ser gora Serok Mam Celal danî û digel Serok Bafil Celal Talebanî û li Dabaşanê civiya.

PUKMEDIA