Serok Bafil:Serdana serokê Îran`ê berdewamiya peywenduyên me yên dîrokî ne

PUKMEDIA

Serok Bafil û Serok komarê Îran`ê

Bafil Celal Talebanî; Serokê Yekîtî ya Nîştimanî ya Kurdistan`ê (YNK) di hejmara xwe ya taybet ya tûra civakî ya Facebook`ê nivîsiye: Me îro bi kêfxweşî pêşwazî li Mesûd Pizîşkiyan; Serokê Komara Îslamî ya Îran`ê kir, serdana wî ya dîrokî ji bo Êraq, Herêma Kurdistanê bi taybetî Silêmaniyê û Yekîtiya Nîştimanî ya Kurdistan`ê (YNK);ev berdewamiya peywendiyên kûr û dîrokî ye di navbera me û gelê Komara Îslamî ya Îranê de; ku Serok Mam Celal endezyar û damezrîner wê yekê bûye.

Herwiha serokê YNK`ê got: Di hevdîtina me ya digel Pizîşkiyan de me tekez li ser pabendbûna Herêma Kurdistan`ê li hemberî ewlekarî û aramiya welatên hevsê bi taybet gelê dost yê Îran`ê kir;ku em rê nadin Herêma Kurdistan`ê bibe cihek ji bo hêrîşkirina ser serweriya welatên hevsê bi taybet Komara Îslamî ya Îran`ê;belku armanca me ew e ku di çarçoveya parastina berjewendiyên bilind yên neteweyî de peywendiyên xwe yên demdirêj berfireh û xurt bikin.

Serok Bafil got: Di berdewamiya hevdîtinê de me spasiya serkirdayetiya Îran û gelê wê kir ku di hemû qonaxên dijwar de piştevanî û alîkariya gelê Kurd kiribûn;herwiha di şerê li dijî terorê û têkbirina DAIŞ`ê de jî roleke girîng û berçav lîstin; û hevxebatê Kurdistan û Hêzên Pêşmerge bûn; her wiha got: Em hevkarî û biratiya hevalên xwe ji bîr nakin; û emê li ser siyaseta ku Serok Mam Celal dişopand ku armanca wî parastina berjewendiyên bilind û hevbeş,berdewam bikin.

Li hemberî wê yekê de Serokê Komara Îslamî ya Îran`ê Mesûd Pizişkiyan pesna rol û pêgeha bi bandor ya Serok Mam Celal di avakirina Êraqeke nû de û dariştina siyaseteke jîran e digel welatên hevsê bi taybetî digel Îran`ê da; û got: Em rêzê li van peywendiyên dîrokî digirin; û hêvîdar in ku zêdetir ew peywendî pêş bikevin; û emê di hewlên xwe yên nîştimanî de berdewam bin; ji bo parastina aştî û aramiya Êraq û Herêma Kurdistan`ê jî emê piştgiriya we bikin.

PUKMEDIA