Bersivek ji bo ragihandina PDK`ê : Êzîdî dizanin kê li berxwe da û kî jî reviyan

PUKMEDIA

Mekteba Ragihandin û Bîr û Hişyarî

Borda Ragihandina Yekîtî bersiva ragihandina Partî Demokrat a Kurdistanê (PDK) dide, û di daxuyaniyekê de radigihîne ku peyama mîdye ya PDK`ê belayê me û Êzîdiyên Şengalê ye û ti hesabek ji bo wê nayê kirin û gotinek ya pêşiyan heye dibêje: (Tîşka rojê bi Bêjingê nayê girtin).

Borda Ragihandina Yekîtiya Nîştimanî ya Kurdistanê di peyamekê de bersiva ragihandina Partiya Demokrat a Kurdistanê dide ku bi boneya salvegera dagîrkirina Şengalê hatiye belav kirin.

Navrekoa Peyamê:

Peyama Mekteba Siyasî ya Yekîtiya Nîştimanî ya Kurdistanê (YNK`ê) taybet bi salroja Cenosîda Êzîdiyên Şengalê, heman ew rexne û gotinên ku bi salane ji aliyê bi hezaran welatiyên Êzîdiyan ve tên kirin, ku ew sedema çolkirin û radestkirina xelkê sivîl yên Şengalê dixin stûyê PDK`ê, ku di encama reva wan de bi hezaran welatiyên Êzîdî ji aliyê terorîstên DAIŞ`ê ve hatin kuştin, eger ev yek wek axaftinên welatiyên Êzîdî nebe jî belku axaftina çendîn kes ji kadirên PDK`ê ne ku ew ser bi ola Êzîdiyan e jî tên belav kirin, ku di dema ferman û karesata Şengalê de bi dengekî bilind digotin: (PDK`ê em firoştine).

Daxuyanî û axafitina Qasim Şeşo, fermadarê bilind yê PDK`ê heye ku nêzîkî salekê li ser çiyayê Şengalê bû ji ber kêmtirxemiya partî û paykûta partî kiribû.

Ji ber wê ji aliya me û Êzîdiyan ve ti hesabek ji bo wê nayê kirin û gotineke  pêşiyan heye dibêje: (Tîşka rojê bi Bêjingê nayê girtin).

Borda Ragihandina Yekîtî ya Nîştimanî ya Kurdistanê

PUKMEDIA