Talebanî: Yekem û dawîn bijarde rêkeftineke demdirêj e

PUKMEDIA

Qubad Talebanî û Mihemed Şîa Sûdanî

Cîgirê Serokwezîrê Herêma Kurdistanê Qubad Talebanî di çarçoveya serdana xwe ya bo Bexdayê de çendîn hevdîtin ligel berpirsên payebilind ên hikûmet û siyasî yên Êraqê pêk anîn.
Di daxuyaniyekê de li ser rûpela xwe ya Facebookê ragihand: "Vêbijêrka yekem û dawî ya li pêşiya her du hikûmetan rêkeftineke berfireh û demdirêj e û êdî ne di berjewendiya ti aliyekî de ye ku rêkeftinê paşde bixe."
Teksta peyama Qubad Talebanî:
Yekem û dawîn bijardeya her du aliyên Hikûmeta Herêma Kurdistanê û Hikûmeta Federal rêkeftineke berfireh û demdirêj e ku li gor destûrê û di berjewendiya hemû welatiyên Êraq û Kurdistanê de ye.
Di hevdîtinên min ên li Bexdayê de ligel Serokomarê Êraqê Dr. Letîf Reşîd, Serokwezîr Mihemed Şîa Sûdanî, Serokê Meclisa Nûneran a Êraqê Mihemed Helbûsî, Serokê Tevgera Hîkme Emmar Hekîm û Wezîrê Kar û Karûbarên Civakî Ehmed El-Esed, me tekezî li ser vê yekê kirk u  guftûgoyên me xurttir bikin ji bo ku di demeke nêzîk de bigihin rêkeftinekê, bi taybetî hem li ser bûdce û hem jî yasaya petrol û gazê. Derengxistina peymanê êdî ne di berjewendiya tu  kesî de ye.
Hemû Êraqî, Herêma Kurdistanê jî di nav de, daxwaza xizmetguzarî û refahê dikin. Rêkeftina di navbera Herêma Kurdistanê û Bexdayê de jîngeheke guncaw dirust dike ku her du alî bi hev re kar bikin bo cîbicîkirina daxwazên xelkê û baştkirina rewşa xizmetguzariyê.
Em hêvîdar in ku peywendiyên Herêma Kurdistanê û Bexdayê bigihin asteke gelek baş û ez geşbîn im ku emê gelek pirsgirêkan ligel vê kabîneya hikûmeta Êraqê ya bi serokatiya birêz Mihemed Şîe Sûdanî çareser bikin.
PUKMEDIA