Talebanî û Hekîm: Divê pirsgirêkên Hewlêr û Bexdayê bên çareserkirin

Kurdistan 09:24 PM - 2023-01-30

Qubad Talebanî û Ammar Hekîm

Cîgirê Serokwezîr Qubad Talebanî li gel Semehetî Seyîd Emmar Hekîm Serokê Tevgera Hîkme ya Êraqê civiya û pêşhatên li qada siyasî ya Êraqê û têkiliyên navbera Bexda û Hikûmeta Herêma Kurdistanê gotûbêj kirin.
Di civînê de ku (30.12.2023) hat encamdan, her du aliyan tekezî li ser giringiya dirustkirina jîngeheke siyasî ya guncaw ji bo cîbicîkirina bernameya xwe ya hikûmeta federalî kirin û giring dîtin ku berdewamiya diyaloga siyasî ji bo çareserkirina pirsgirêkên daliqandî  yên di navbera Bexda û Hewlêrê de di çarçoveya rêkeftina di navbera Bexda û Hewlêrê de berdewam be, di çarçoveya Destûra Bingehîn de û ji bo bidestxistina berjewendiyên giştî û danîna prensîba wekheviya erk û mafan.
Her wiha behsa rewşa navxwe ya Herêma Kurdistanê jî kirin û tekez kirin ku; Divê hêzên siyasî ji bo berjewendiyên giştî aramiya siyasî û aştiyê pêk bînin.

 

Di çarçoveya serdana xwe ya bo Bexdayê de, Qubad Talebanî bi Mihemed Helbûsî re civiya

Cîgirê Serokwezîr Qubad Talebanî li Bexdayê bi Serokê Meclisa Nûneran Mihemed Helbûsî re civiya.
Di civînê de behsa rewşa giştî û çend yasayên di çarçoveya bernameya hikûmetê de hate kirin.
Li ser giringiya danustandin û hemahengiya di navbera hikûmeta federal û hikûmeta Herêma Kurdistanê de ji bo çareserkirina pirsgirêkên daliqandî  li gor destûrê hat tekezkirin.
PUKMEDIA