Serokomarê Êraqê ji bo Macaristanê hat vexwendin

Êraq 05:12 PM - 2022-12-09
Serokkomarên Êraq û Macarîstanê

Serokkomarên Êraq û Macarîstanê

Serokkomar Letîf Cemal Reşîd li Koşka Bexdayê pêşwaziya Serokomarê Macaristanê Katalin Novak kir û li ser xurtkirina hevkariyên dualî yên di navbera her du welatan de gotûbêj kirin.
  Di hevdîtinê de her du serokan li ser mekanîzma pêşxistina peywendiyên dualî yên di navbera her du welatan de û çawaniya pêşxistina hevkariyên dualî di warên cuda de gotûbêj kirin. Serokkomarê Êraqê ji bo xurtkirina peywendiyên dostane li gel Komara Macaristanê û berdewamiya hemahengî û hevkariyê li ser mijarên curbicur ku mijarên hevpar in bi awayekî ku xizmeta her du gelên dost bike, dûpat kir.
  Serokkomarê Êraqê  behsa rewşa ewlehiyê ya Êraqê kir ku di encama qurbanîdana Êraqiyan ji bo welatê xwe daye,her wiha spasiya ku piştgiriya  hevpeymanan û alîkariya wan bo hêzên ewlehiyê pêşketinên mezin bi dest xistine kir. Serok Letîf Cemal Reşîd tekezî li ser pêwîstiya hewildan û hemahengiya hevbeş ji bo alîkariya penaberên ku ji ber nexweşiya terorê derbider bûne û ziyan dîtine, û herwiha bilezkirina çareserkirina pirsa penaberan û misogerkirina vegera wan bo warên xwe, kir.
  Her di vê derbarê de Serok Katalin Novak balkişand li ser peywendiyên bihêz yên di navbera her du welatan de û dupat kir ku welatê wê ji  bo bihêztirkirin û berfiretir kirina asoyên hevkariyên di berjewendiya her du welatên dost daye. Serokkomarê Macaristanê tekîd li ser giringiya vegerandina Eraqê bo rola xwe ya giring li navçe û cîhanê kir û amaje bi başbûna rewşa ewlehiyê kir û helwêsta welatê xwe ji bo piştgirîkirina  hewlên Eraqê bo parastina aramî û ewlehiyê li welatê xwe dûpat kir.
  Di hevdîtinê de her du alî behsa peywendiyên çandî yên di navbera Êraq û Macaristanê de kirin û her du serokan tekez li ser pêşxistina wan peywendiyên dostane yên dualî kirin. Di vê derbarê de Serokkomarê Macaristanê amaje bi xwendekarên Êraqî yên ku li wir dixwînin amaje bi wê yekê jî kir ku welatê wan pêdagiriya xwe bo dabînkirina hemû pêdiviyên wan diyar kir.
Serok daxwaz kir ku bêtir xwendekarên Êraqî xwendina xwe ya bilind li Macaristanê biqedînin û ewlekarî ji wan re dabîn bikin, ji bilî vekirina geşteke rasterast di navbera Bexda û Budapest de.
  Di hevdîtinê de Serok Novak Serokomar vexwend serdana Macaristanê. Serokatî spasiya xwe ji bo vexwendinê anî ziman.
PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket