Desteya navçeyên Kurdistanî: Çalakkirina saziyan li Kerkûkê û parastina mafên destûrî yên kurdan

Desteya navçeyên Kurdistanî: Çalakkirina saziyan li Kerkûkê û parastina mafên destûrî yên kurdan

Fehmî Burhan Serokê Desteya Giştî ya navçeyên Kurdistanî yên li derveyî Rêveberiya Herêma Kurdistanê  digel şandeka desteyê serdana parêzgeha Kerkûkê kir û digel rêveberên dezgehên herêmê yên li Kerkûkê kombû û ji bo agehdar kirina pêşhatên rewşa herêmê û şopandina karê berdewam bo xizmetkirina hevwelatiyan û kêşeyên ku li navçeyên Kurdistanî yên derveyî îdareya Herêma Kurdistanê rû bi rû ne.

Fehmî Burhan di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re  ragihand: "Ev serdan di çarçoveya berjewendiya herêmê bo wan deveran û piştevanîkirina ji mafên destûrî û yasayî yên welatiyên Kurd de ye.
Di civîna Desteyê de ligel berpirsên dezgehên navçeyên Kerkûk û navçeyên Kurdistanî, giringiya aktîvkirina rola van saziyan ji ber aktîvkirina lijneya madeya 140 a destûrê û pêwîstiya destpêkirina bi pratîkî hate gotûbêjkirin. Di vê derbarê de Fehmî tekezî li ser yekkirina helwestên aliyên Kurdistanî di derbarê bidest xistina mafên rewa yên gelê Kurd li deverê û navçeyên Kurdistanî yên li derveyê îdareyê kir. 
Serokê Desteya Kurdistanê her wiha bi mamoste û rêveberên xwendingehan û çavdêrên perwerdeya Kurdî re civiya û bi wan re behsa astengiyên li pêşiya perwerdeya Kurdî li Kerkûkê kir û piştevaniya xwe ji bo pêşxistina proseya perwerde û perwerdeya Kurdî li Kerkûkê tekez kir. 

Serdana şandê di demekê de hat ku Kurd û navçeyên Kurdistanî rastî kempîneke nû ya erebkirin û tirsandinê ji aliyê rêveberî û aliyên siyasî yên şovenîst û hewlên rêxistinên terorîstî bo têkdana aramiyê li navçeyên Kurdistanî tê bi taybetî li deverên ku kêmasiyên ewlehiyê lê hene.


PUKMEDIA