Serok Bafil: Biryarên girîng ji bo piştgirî û xurtkirina mafên jinan

YNK 01:59 PM - 2022-11-26

Serok Bafil Celal Talebanî

Serokê Yekîtiya Niştimanî ya Kurdistanê Bafil Celal Talebanî hewleke mezin dide ji bo piştevanîkirina hemû aliyên jiyanê û xizmetkirina welatiyan, mijara herî girîng ku xistiye pêş Parastina mafên jinan û têkoşîna li dijî tundiya li ser wan. 
Serokê Yekîtî Bafil Celal Talebanî ji bo têkoşîna li dijî tundiya li ser jinan û jinavbirina zilm û cudahiya civakî kampîneke 16 rojî da destpêkirin û di daxuyaniyekê de ragihand ku têkoşîna li dijî tundiya li ser jinan ku dê 16 rojan bidome, pêngaveke girîng e ji bo rêzgirtina li têkoşîn û xebatên jinan ên ji bo parastina mafên jinan û wekheviya zayendî û rakirina zext û cudakariya civakî ye.

Gelek xal ji bo piştgiriya jinan in

Endama Encumena Serkirdatiya Yekîtiya Niştimanî ya Kurdistanê birêz Rabîhe Hemed ji malpera fermî ya Yekîtî PUKMEDIA re dibêje: Daxuyaniya Serok Bafil Celal Talebanî ji bo şopandina nêzîkatiya Serok Mam Celal di berevaniya mafên jinan de ye.
Herwaha got: Di daxuyaniya Serok de gelek xal hene ku dibin alîkar bo bihêzkirina rola jinan û parastina mafên wan.

Biryarên girîng ji aliyê Serok Bafil Celal Talabanî ve hatin dayîn

Serok Bafil di berdewamiya daxuyaniya xwe de got: Bi vê derfetê ez dilgiraniya xwe li hember binpêkirina mafên we û tundiya li ser we diyar dikim, sînorên we yên kesayetî û azadiya we tên binpêkirin bê hincet tê astengkirin û tekez kir ku: “Yekîtiya Niştimanî dê li ser heman nêrîna azadîxwaz û hevdem a Serok Mam Celal li hember jinan berdewam be û emê piştevanê we bin. Ji ber vê yekê em van biryaran didin:

1. Ji bo bidestxistina mafên jinan û pêkanîna wekheviya zayendî di hemû saziyan de pêwîste hemû saziyên YNKê hevkarî û hemahengiyê bikin.

2. Jin hêza daîmî û nûjenker a Yekîtiya Niştimanî ya Kurdistanê ye û di eniya herî pêş a têkoşîna sivîl û demokratîk de ye, lewra me biryar da ku ji niha û pê ve di xebatên rêxistinî û rêberî û di hemû sazî û dezgehan de zêdetir derfet bidin keç û jinan. 

3. Hemû saziyên Yekîtiya Niştimanî pabendî yasa û pêşniyarên civîna Yekîtiya Niştimanî ya Kurdistanê di derbarê wekheviya zayendî de ne û ev sazî jî ji bo pêkanîna wekheviyê bêyî sînor û merc hevkarî û piştevaniya wan dikin ji bo pêkanîna wekhevî û edaleta civakî di vîvaka Kurdî de û hûn ê bi hemû astengiyên ku li pêşiya gihîştina vê armanca bilind radiwestin rû bi rû bimînin.

4. Her rêheval, kadro û endamek Yekîtiya Niştimanî bi her pile û berpirsiyarî be, eger tundiyê li keç û jinên civaka me bike yan binpêkirina maf û azadiyên wan ên kesayetî bike dê rûbirûyê yasa û di bin berpirsiyariya tund a hizbî de bin.

Biryar dê bibe alîkar ku rola jinan xurtir bibe

Xanim Rabîhe Hemed dibêje: Biryarên Serok dê derfetek mezin ji jinan re peyda bike da ku beşdarî refên Yekîtiya Nîştimanî bibin û jinan hest bi wê yekê bike ku Yekîtiya Niştimanî ew partiye ku mafên wan garantî dike û berevaniyê li wan dike.
Got jî ev biryar dê derfetên mezin ji jinan re peyda bike da ku bi awayeke bi bandor di çalakiyên civakî û siyasî de beşdar bibin û peyama Serok dê rê li her hewlek ji bo pêkanîna tundûtûjiyê li dijî jinan li her cihekê bigire.

Yekem partiye ku mafên jinan ava kir

Rabîhe Hemed dibêje: Em şanaziyê bi wê yekê dikin ku em pêşeng in di dabînkirina mafên jinan de, û ew yekem partiye ku jinekê bo posta wezîrtiyê destnîşan dike û yekem partiye ku jinan di postên hikûmetê de destnîşan dike wek qaêmmeqam û karmendê şaredariyê û heta di serokatiya parlamentoya Kurdistanê de jî.
Wê got jî: Yekîtiya Niştimaniya Kurdistanê hertim di meşa piştevaniya mafên jinan de bi serokatiya serokê rihmrtî Mam Celal û niha bi serokatiya Bafil Celal Talebanî hertim li pêşiya meşa piştevanîkirina bi mafên jinan bûye û li gel aliyên din li pêşiyê de ye.

Ji yekîtiya Niştimanî gavên rasteqîne

Parlamentera Yekîtiya Niştimaniya Kurdistanê li Parlamentoya Kurdistanê Şadî Newzad ji PUKMEDIA re ragihand: Daxuyaniya Serok Bafil dibe alîkar ku rola jinan bi hêztir bibe, bi taybetî biryara girtina her heval, kadro û endamekî Yekîtî bi her pileyek û berpirsiyarî be eger tundûtûjiyê li ser keç û jinên civaka me bike, yan jî mafên wan û azadiya wan binpê bike dê rûbirûyê qanûnê bibe û bi tundî berpirsyariya hizbî bête kirin.

Rûbirûbûna tundiyê karê hizbî ye

Şadî Newzad tekez dike: Biryarên Serok tekez dikin ku Yekîtiya Niştimanî ya Kurdistanê ew partiyaye ku bi awayekî bi bandor li dijî her hewleke tundûtûjiyê li dijî jinan radiweste û sizayên hizbî li ser wê sepandine.
Herwaha got: Ev biryara han dibe alîkar bo bihêztir kirina rola jinan û derfetê bo wergirtina postên serkirdayetî û bihêztir kirina hebûna wan di hêlên giring ên biryardanê yên herêma Kurdistanê de.

Yekîtiya Niştimaniya Kurdistanê partiya herî zêde piştevaniya mafên jinan dike

Şadî Newzad dibêje: Yekîtiya Niştimanî ew e ku zêdetir maf dabîn dike û zêdetir piştevaniya jinan kiriye û em ji niha û pê ve hêviya beşdarbûna zêdetir ya jinan di nav rêzên Yekîtiya Niştimanî de dikin.Ji ber wê yekê Yekîtî berevaniya ji mafê jinan kiriye li ser karê xwe yê pêşîne û em dikarin şanaziyê bi rêjeya beşdariya jinan di serkirdayetiya partiyê de bikin ku ji aliyên din zêdetir e.

PUKMEDIA